招股上市

出自維基百科,自由嘅百科全書

招股上市,有時就咁叫招股或者上市,或者公開招股掛牌上市新股上市,係一間私人公司第一次將股票賣畀公眾。呢類招股通常係間規模唔係咁大嘅新公司,要籌多啲錢來發展,即係上市集資招股集資。有時大私人公司想轉為畀公眾賣買,都會招股上市。招股上市亦都叫首次公開招股,來自英文Initial Public Offering,縮寫係IPO

依類股票通常叫做新股。因為新股會上去股票市場買賣,呢個動作就叫掛牌(listing)。公眾認購嘅股數,有時多個發行股數,要抽籤決定,所以認購嘅行為又叫抽新股

發行商會搵包銷商幫手搞上市,等佢估睇下發邊種股,係普通股優先股,同埋定發行價同發行日期。

買新股係種高風險嘅投資。個別投資者係好難做計首日掛牌同之後有乜事,因為實在無乜往績。呢煩公司亦都響成長嘅過渡期,好難預計未來嘅價值。

上市原因[編輯]

當一間公司股票響市場掛牌,多數都會發新股,咁樣就有額外資本收入。一般買賣股票喺投資者間通手。而投資者出來買新股,錢係入咗公司袋。所以,招股可以為公司帶來大筆錢去畀公司發展。公司唔使再畀返錢出來,不過新股東就有權分享公司嘅利潤

發新股嘅同時,原有股東嘅佔公司股份嘅比例會降低,之不過,舊股東期望呢筆錢可以令到佢嘅股票更加有價值。

上市集資比其他集資方法嘅好處係,間公司唔使揹又有大筆錢擴充,而佢亦唔使同個別投資者傾偈。所以好多公司都想上市。

睇埋[編輯]