出自維基百科,自由嘅百科全書
跳去: 定向搵嘢
一條賓舟

粵讀zeoi1,又變讀zoe1)或朘朘[1],又叫賓舟讀音:bänt jäw)(有時寫成賓周班鳩),陰莖,係雄性動物嘅外生殖器官,哺乳動物嘅朘重係排泄器官添。同女人陰蒂一樣,朘發育自胚胎時嘅交接器原基。朘可以用嚟屙尿,受到刺激就曉得扯旗時會射精,用嚟生仔。

結構[編輯]

朘能夠成形,全靠胚胎體內嘅特定睾丸素。如果無咗呢啲激素,生殖器變成。由朘一直到睾丸嘅下面,重可以見到呢個痕跡。有啲胚胎發育唔健全,蘇蝦仔出世時,朘下面會有裂口,出世時要縫番實佢,唔係第日痾尿時,啲尿會由朘下面流出黎,搞到周地都係。

朘分成頭、體同埋根三部分,主要由兩個陰莖海綿體同一個尿道海綿體組成,外麵筋膜同皮膚包圍。

海綿體係兩端細嘅圓柱體,左、右各一,位於陰莖嘅背側。左、右兩者緊密結合,向前伸延,尖端變細,嵌入陰莖頭後面既凹陷內。陰莖海綿體嘅後端左、右分離,叫做陰莖腳,分別附喺兩側嘅恥骨下支同埋坐骨支。

尿道海綿體位於陰莖海綿體嘅腹側,尿道貫穿佢全長。中部呈圓柱形,前端膨大嘅係陰莖頭,後端膨大稱為尿道球(bulb of urethra),位於兩陰莖腳之間,固定喺尿生殖膈嘅下面。每個海綿體外面都有一層厚而緻密嘅纖維膜,分別叫陰莖海綿體白膜同尿道海綿體白膜。

所謂十隻手指有長短,每人條朘尺寸都唔同。據統計,美國人軟落嚟時,賓舟長7.8公分到12公分,扯旗時可以有11公分到18公分,西方男性勃起時平均約 14.9 公分。亞洲人種勃起時12公分至18公分都係正常。講到最把炮,通常首推黑人。

正常朘長短同男性性能力無乜關係,亦唔係好影響女性爽唔爽,但太短亦唔得,醫學界一般認為,條朘長過10公分,就算係正常。

文化[編輯]

龐貝古城中希臘嘅神 Pompeii 條朘長成咁,當然唔係真,只係反映古羅馬人好羨慕佢嘅雄屌

別名[編輯]

粵語裡面,朘有多個別名,好似「周周」、「何B仔」、「子孫根」、「jj」、「慈菇椗 / 仔」、「菇菇」、「」(又寫「鳩」、「𨳊」)、「撚」(又寫「𨶙」)、「屌」(又寫「𨳒」)、「蕉」、「𨳍」、「小雞雞」[2]噉。

參攷[編輯]

  1. 陳雲:粗話,信報,2008年10月30號
  2. 小雞雞係一啲香港人畀器官嘅俗稱。有可愛、挑逗嘅意思。普通話亦有噉用。