杜呂多

杜呂多

杜呂多（法文：Joseph Philippe Pierre Yves Elliott Trudeau，1919年10月18號—2000年9月28號），係第19任（1968年4月20號到1979年6月3號）同埋第21任（1980年3月3號至1984年6月30號）加拿大總理，亦都係加拿大史上最具爭議嘅總理之一。

杜呂多在職期間，平定咗魁北克嘅十月危機，確立咗聯邦雙文制度，又修訂憲制文件，將《英屬北美法案》、《加拿大自由與權利憲章》等憲制文件合併成《1982年憲法法案》，並且最終迫使英國議會畀加拿大議會從此以後獨立修憲。

崇拜杜呂多嘅人讚美佢以敏銳嘅政治能力維護咗加拿大嘅統一；貶低特呂多嘅人批評佢嘅經濟政策令到加拿大深陷債務。但係，毫無疑問，佢係一股強大嘅驅動力，重新塑造咗加拿大呢個國家。