南佛堂
(由東龍島跳轉過嚟)
南佛堂,又叫南堂島,而家多叫東龍洲或東龍島,係香港一個島,響新界西貢區清水灣半島南面。個島響正佛堂門南面,所以叫南佛堂或者南堂島。島南面嘅海峽,自然就叫做南堂門(而家通常叫藍塘海峽)。
名勝[編輯]
島上有史前石刻(東龍洲石刻)。北宋時,東龍洲上有石塔。[註 1]重有清代康熙末年起嘅東龍洲炮台,古時係重要軍事據點,炮台起喺島東北面為防海盜,炮台後面嘅崖壁係攀石熱點,附近有露營地方。
交通[編輯]
得星期六、日同公眾假期有街渡來往市區,平日冇船到,人迹罕至。
歌曲、傳媒表達嘅東龍島[編輯]
- 《島的故事》1981年 《牛仔的一家》
- 百載鑪峰1982年版第一集由"由炮臺遺址說起"。所以該集開頭有當時東龍洲炮台嘅片段。
註[編輯]
參考[編輯]
- ↑ 黃垤華:從北堂摩崖題刻探索南堂石塔之謎