格連

出自維基百科,自由嘅百科全書
跳去: 定向搵嘢
格連

格連Maurice Greene1974年7月23號—)係美國短跑田徑運動員。佢係100米跑世界紀錄保持者,做出 9 秒 79 嘅時間。

生平[編輯]

格連喺堪薩斯州堪薩斯城出世,响FL Schlagle 高校訓練出嚟。佢喺學校本來係玩開美式足球嘅。後嚟接觸咗跑步,就漸漸鍾意咗佢嗱。

佢第一次參加國際大賽係喺1995年瑞典哥德堡舉行嘅世界田徑錦標賽,不過佢當日冇盡全力,所以佢入唔到100米跑8強。响亞特蘭大舉行嘅1996年夏季奧運佢冇資格代表美國參賽。

1999年雅典舉行嘅世界田徑錦標賽,格連攞咗100米跑冠軍。佢喺200米跑一樣掂,攞咗200米跑冠軍,佢嘅強項就係100米跑。佢成功咁响2000年夏季奧運會攞咗佢第1個奧運金牌。由於佢受到傷患困擾,所以响200米跑冇代表美國出賽。

1999年佢刷新咗100米跑嘅世界紀錄9秒79(+0.1 m/s wind),超越咗庇利保持嘅世界紀錄9秒84(+0.7 m/s wind),由於超風速嘅關係,所以電子計時上所顯示呢個結果就冇被大會承認為世界紀錄。格連又破咗庇利保持嘅室內50米跑世界紀錄;但係呢個世界紀錄而家重承認嘅。佢又兩次破咗室內嘅60米跑世界紀錄。佢响室內嘅60米跑嘅紀錄係6秒39。 兩個紀錄仍然保持。

2002年,格連嘅100米世界紀錄被美國隊友蒙哥馬利破咗紀錄,蒙哥馬利快格連0.01秒。跑出嘅時間係9秒78 (+2.0 m/s),蒙哥馬利之後被驗出服用禁藥,所以被取消資格冇得參賽。鮑維喺2005年又破咗蒙哥馬利所保持嘅100米跑紀錄;時間係9秒77(+1.6 m/s wind)。

雅典2004年夏季奧運會,格連喺呢屆奧運會嘅100米跑只得到第3名攞咗面銅牌。同埋4x100米接力為美國隊得到面銀牌,比英國隊慢0.01秒。

[1] [1]

參考[編輯]

  1. Schaefer, Dave. Q&A: Olympic champion Maurice Greene on his contenders. . 喺2007-06-05搵到;.