米高·法拉第

出自維基百科,自由嘅百科全書
(由法拉第跳轉過嚟)
米高·法拉第

米高·法拉第英文:Michael Faraday,1791年9月22號1867年8月25號)係英國物理學家(當時對「物理」嘅稱呼為「自然哲學」),亦精於化學,喺電磁學同電化學領域有以下貢獻。

  • 電學方面,法拉第研究負載直流電嘅導體同附近磁場之間嘅關係,喺物理學中建立起磁場呢個概念。佢發現咗電磁感應、抗磁性同電解。另外,佢亦發現磁場可以對光線產生影響,進而發現兩者間嘅基本關係。另外,法拉第重發明咗一種依電磁轉動嘅裝置,為電動機嘅前身。
  • 化學方面,法拉第發現咗唔同嘅化學物質,如苯類。佢重發明咗一種加熱工具,係本生燈嘅前身。化學中嘅氧化數亦出自法拉第之手,另外如陽極陰極電極離子呢啲而家電化學中成日用到嘅專有名詞,都係由法拉第推廣嘅。