物理

出自維基百科,自由嘅百科全書
跳去: 定向搵嘢

物理學,簡稱物理,係研究大自然現象同埋規律嘅學問,主要研究嘅係宇宙嘅基本組成要素:物質、能量、空間、時間及同埋佢哋嘅交互作用;藉被分析嘅基本定律同埋法則來完整了解相關系統。可以話係自然科學之中最基本,覆蓋面最廣嘅。細至構成物質嘅基本粒子,大至整個宇宙,都係物理學嘅研究範圍。有啲特性係所有物質系統都有嘅,物理學理論通常以數學形式表達出來。經過大量嚴格嘅實驗驗證,我哋就稱佢為物理定律,好似能量守恆噉。

物理學係基礎科學,因為其他嘅自然科學,好似生物學化學地質學噉,佢哋研究嘅對象都係遵守物理定律嘅。物理學同數學之間亦有好密切嘅關係,因為物理定律往往要用算式[1]同埋代數或幾何學概念嚟表達。物理學用到或啟發嘅數學理論亦往往比其他嘅自然科學深入好多。

物理學家經常嘗試用科學方法解決所有問題,例如整模型或者做實驗。由於佢太基礎,以前好多人都將物理睇成一種自然哲學。直至近代,物理先至同哲學分家。

原子嘅電子殼顯示圖。唔同顏色代表唔同嘅出現機率。

物理學同其他課題嘅關係[編輯]

好多其他學科都同物理有啦能。由於多數自然現象都係其實科學範疇嘅研究範圍,科學家喺發現新物理定律嘅時候好多時都會掂到其他學科。有啲物理定律,例如能量守衡喺所有學科上都用得着。其他發明,例如超導體,係呢啲定律嘅衍生品。不過呢啲衍生現象唔可以叫做定律,因為佢哋唔係所有地方都啱用。

[編輯]

  1. 物理公式例如:
    1. E=\frac{1}{2}mv^2(動能方程)
    2. E=mc2(質能方程)
    3. R=V/I(計算電阻嘅公式)

睇埋[編輯]