中世紀

出自維基百科,自由嘅百科全書
跳去: 定向搵嘢
中世紀嘅城堡

中世紀(大概係公元476年1453年),又稱為中古時代,係歐洲歷史嘅一個時代(主要係西歐),由西羅馬帝國滅亡開始計算,直到東羅馬帝國滅亡為止。

中世紀呢段時期係歐洲文明嘅低潮,因為當時嘅歐洲冇一個強而有力嘅政權嚟統治。地方上封建堡主各自割據,戰爭多多,使到成個歐洲嘅文明長期停滯。所以一啲歐洲歷史學家都會形容中世紀係黑暗時代

歷史[編輯]

隨住西羅馬帝國滅亡,西歐陷入咗地方割據時期。呢啲割據勢力版圖裏面,以法蘭克王國勢力最大。公元6世紀法蘭克吞併咗而家嘅德國南部同意大利北部,成為法蘭克王國。到咗公元843年,法蘭克王國內亂,分裂成而家嘅法國德國意大利北面。

呢三個國家命運各有唔同。東法蘭克王國喺13世紀演變成法蘭西王國。東法蘭克王國就喺951年進佔意大利北部,重進軍埋羅馬,逐漸演變成「神聖羅馬帝國」。

而早喺公元6世紀,位處羅馬嘅教廷又建立咗「教皇國」,控制咗西歐嘅文化教育,只准傳播神學,科學理論要嚴格控制,重設立宗教裁判所懲罰異端。而且為咗對抗位處中東嘅伊斯蘭教國家,教廷發動咗八次十字軍東征

中世紀係喺十字軍東征後慢慢結束。地中海一帶出現咗一批商業城市,好似威尼斯佛羅倫斯等等。對外貿易又將一啲新技術帶嚟歐洲,例如火藥、造紙等等。武器嘅改良後來畀人用嚟消滅各個割據勢力。因為商業發達,歐洲文明重新復興,展開咗文藝復興,好多商業文化亦都由此而嚟。

睇埋[編輯]