文藝復興
出自維基百科，自由嘅百科全書
文藝復興（The Renaissance）係14世紀到17世紀響歐洲興起嘅一場有關藝術、文學、自然科學、建築等各方面嘅思想文化運動，帶嚟一段科學同藝術革命時期，由中世紀嘅意大利開始並傳到全個歐洲。可以話係現代歐洲史嘅序幕，可能係中古時代同近代嘅分界。
[編輯] 歷史
多數人都認為文藝復興係起源於意大利（「文藝復興」嘅英文「The Renaissance」喺出自意大利話Rinascimento，意思即係重生），之後影響咗成個歐洲。
文藝復興嘅出現係因為意大利本身係地中海國家，有海路到阿拉伯，所以商業貿易好發達。咁使到意大利一啲人有足夠經濟能力從事文化嘅嗜好。文藝復興唔少名人，好似達文西、伽利略都係由有錢佬支援佢哋。呢啲文化人都係從古希臘同古羅馬嘅古典文化之中吸收，希望能夠復興昔日歐洲嘅燦爛文化。亦即係話，「文藝復興」其實係一次對知識同精神文明嘅重新創造。
當時意大利並唔係一個完整國家，而係一個個獨立國家。而呢啲國家嘅頭頭同貴族，都極力崇拜古希臘同古羅馬文化，對中世紀極為盛行嘅宗教禁欲主義好反感。而羅馬教廷亦都好腐敗，好多教宗都掛住享樂，重犀利過班貴族。佢哋都時不時起用藝術家，希望滿足佢哋嘅欲望。
[編輯] 思想
文藝復興嘅本質係主張個性嘅解放。舊陣時歐洲深受羅馬天主教嘅影響，社會風氣守舊。文藝復興強調個人，認為人有權利享受。以前歐洲好多作品都淨係反映宗教，但文藝復興就唔再淨講宗教，而更多咁反映咗一般人嘅生活入面。其中嘅代表性例子有達文西嘅《蒙羅麗莎》。
[編輯] 代表人物
