牛頓運動定律

用拉丁文寫嘅第一同埋第二定律（1687年出版）

牛頓運動定律，係英國科學家牛頓對「力」提出嘅三個定律。呢套定律係經典力學嘅基礎。

• 牛頓第一運動定律：當物體冇受到外來力量左右，本來靜止嘅物體會一直靜止，而本來郁動緊嘅就會一直郁動，沿著直線保持住速度咁郁動。呢條定律又稱之為「慣性定律」。
• 牛頓第二運動定律：當物體受到力嘅左右，物體郁動嘅程度，會同力嘅大細成正比。
• 牛頓第三運動定律：當兩件物體互相產生作用嗰陣，彼此嘅力度係一樣，但方向就相反。呢個定律又叫做「作用同反作用定律」。