黑洞

出自維基百科,自由嘅百科全書
跳去: 定向搵嘢

黑洞天文知識,根據現代物理學理論天文學理論,預言嚮宇宙空間裏面嘅一種天體區域。

黑洞係由一個質量相當大嘅天體,喺核能耗盡死亡後發生重力塌縮後形成。根據牛頓萬有引力定律,由於黑洞第一宇宙速度過大,連光都走唔到出來,所以叫黑洞。

喺呢個區域嘅萬有引力非常強大,任何物質都冇可能走得出呢個區域,甚至光都俾佢嘅強大重力拉返轉頭,因此黑洞本身唔會發光,係黑麻麻嘅天體,唔可以用天文望遠鏡直接觀測到,但天文學家可以藉觀察黑洞周圍物質被吸引嘅情況,揾出黑洞位置。

歷史上,法國力學專家拉普拉斯曾經預言:「一個密度係250個太陽嘅發光恆星,而直徑好似地球,由於佢嘅重力作用,將唔會畀任何光線離開佢。由於呢個原因,宇宙最大嘅發光天體,唔會俾人見到」。

文化上[編輯]

黑洞喺廣東話亦可以用嚟形容一啲人同物。例如形容一個人好大食,而且速度非比尋常,情況已經唔可以再用食嚟形容,而用吸/吮嚟取代個食字。呢啲人一般被稱之為黑洞,有啲人會喺佢個名之前加黑洞兩個字(例如黑洞輝)。