火燭車（fire engine），又叫滅火車同埋救火車或者消防車，係種專救火嘅車，一方面運火燭鬼到火場，另一方面係幫手泵水救火，同埋用機動雲梯幫火燭鬼上樓射水救火同救人。家陣啲火燭車有分門別類，各有唔同分工，各有架生應付唔同災場，重同唔同類嘅火。火燭車多數同火燭鬼駐喺火燭館又叫消防局。
多數火燭車都係紅色，亦有啲地方用黃色。
最初嘅火燭車，只係一部人力推動嘅水車，有泵用來泵水射水，所舊時消防局叫水車館。後尾變成用燒柴油嘅機器泵。
