潘文思怡

潘文思怡（Florence Poon Man See Yee）係香港親中陣營政治人、會計師，有啲人會當佢係會計妹嘅真身，潘少忠家族嘅大新抱，博愛醫院總理。

佢喺2021年11月宣布出選2021年香港立法會選舉會計界功能界別議席，最後落選。

政治參與同立場

潘文思怡喺香港會計師公會選舉入面聲稱自己係中間派，有部分媒體當時亦形容佢無明顯取向。但因為佢支持北京未經諮詢或香港人同意而強行訂立，引起泛民主派一致負評嘅《香港國家安全法》，有啲人會當佢係親中陣營一員。佢亦喺央視新聞訪問嘅時侯，話自己支持警察，又話自己作為中國人，維護國家安全就係佢嘅責任，更加形容香港國安法係良藥。

2021年香港立法會選舉

佢喺2021年11月10號宣布出選立法會選舉會計界功能組別，以非建制、無黨派、中間派等詞語形容自己，又話當選嘅話會積極推行創業者支援計劃。不過，佢喺報名過程入面就出現甩轆，宣誓期間冠夫姓、身份證就無，所以要再次報名。佢最終未能勝出，輸畀黃俊碩。

家庭

佢老公係香港廣東社團總會副會長潘少忠嘅大仔潘偉駿。