濱海站 (溫哥華)
| 濱海車站 Waterfront Station | |
| |
| 濱海車站外景 | |
| 概覽 | |
|---|---|
| 位置 | 溫哥華市中心格蘭維街同哥多華街交界 |
| 座標 | 49°17′09″N 123°06′42″W / 49.28583°N 123.11167°W |
| 經過路線 | 博覽線 加拿大線 西海岸快車 海上公車 |
| 啟站 | 作為鐵路總站：1914年 海上公車碼頭：1977年 架空列車（千禧線）：1985年 西海岸快車：1995年 架空列車（加拿大線）：2009年 |
| 月台數 | 8 |
| 站口數 | 3 |
| 博覽線 濱海車站 ◄（終點） 布勒站► 英王佐治站 | |
| 加拿大線 濱海車站 ◄（終點） 溫哥華市中心站► 溫哥華國際機場站或列治文－布歷候斯站 | |
| 西海岸快車 濱海車站 ◄（終點） 滿地寶中央車站► 米遜車站 | |
| 海上公車 濱海車站 ◄（終點）（{{{前一站距離4}}}） （終點）► 朗斯地亞碼頭 | |
濱海車站（英文：Waterfront Station）係加拿大卑詩省溫哥華市中心最主要嘅公共交通樞紐。大溫哥華地區交通機構運輸聯線轄下嘅溫哥華架空列車其中兩條路線（博覽線同加拿大線）、通往北溫哥華市嘅海上公車渡輪、以及通往米遜市嘅通勤鐵路西海岸快車，都將總站設喺濱海車站。另外，從濱海車站可以步行去附近嘅直升機場、水上機場同郵輪碼頭。
位置
[編輯]
濱海車站位於布勒內灣南岸，溫哥華市中心格蘭維街同哥多華街嘅交界處。由濱海車站可以步行去嘅地方包括：
- 煤氣鎮（Gastown）；
- 加拿大廣場（Canada Place）同埋隔離嘅郵輪碼頭；
- 海上公車碼頭附近，由HeliJet經營嘅直升機場；
- 溫哥華港水上機場（Vancouver Harbour Water Aerodrome）；
- 海港中心（Harbour Centre）；
- 仙古利亞中心（Sinclair Centre）；
- 溫哥華會展中心（Vancouver Convention & Exhibition Centre）。
歷史
[編輯]
最早嘅濱海車站係喺1914年由加拿大太平洋鐵路建造嘅[1]。宜家嘅濱海車站係加拿大太平洋鐵路喺卑詩省建造嘅第三座終點站，風格係同太平洋鐵路沿線好多其他車站同酒店相似嘅「鐵路哥特風格」[2][3]。之前加拿大太平洋鐵路曾經將總站設喺宜家嘅濱海車站嘅西邊，而舊終點站就無鐵路哥特風格嘅建築[2][3]。1978年，加拿大太平洋鐵路同加拿大國家鐵路將客運服務轉讓徂畀維亞鐵路經營，而維亞鐵路亦都同時接受徂量間公司嘅兩座終點站——濱海車站（太平洋鐵路）同太平洋中央車站（國家鐵路）。不過維亞鐵路淨係用徂濱海車站一年，就將全部業務搬澌去太平洋中央車站。維亞鐵路嘅最後一班離開濱海車站嘅列車喺1979年10月27號出徂發[4]。
早喺鐵路公司離開濱海車站之前，溫哥華同周邊嘅市鎮就開始策劃將濱海車站改造成公共交通樞紐。1977年，停航徂接近20年[5]，來往溫哥華同北溫哥華嘅水上公車重新開通，濱海車站為此專門建造徂一座海上公車碼頭同埋一條連接車站同碼頭嘅天橋。6月17號，第一班海上公車由溫哥華出發，平安抵達北溫哥華朗斯地亞碼頭[5]。1980年代早期，為徂迎接1986年溫哥華世博會，溫哥華政府開始興建架空列車。濱海車站嘅一部份原屬太平洋鐵路嘅鐵軌被人拆除，為架空列車嘅軌道褪出空間。架空列車喺1985年12月11號投入服務[6][7]。世博會期間，架空列車專門安排徂來往濱海車站同體育館站（今日嘅體育館－華埠站）嘅穿梭列車。
1995年，為徂迎接即將喺11月投入服務嘅通勤火車西海岸快車，濱海車站開始喺太平洋鐵路嘅軌道旁邊建造月台。2002年，架空列車千禧線投入服務，同原有嘅線路共用軌道（而原有嘅線路亦都正式改名做「博覽線」），直至當局喺2016年10月22日重組架空列車網絡為止[8]。2009年，濱海車站成為徂為2010年溫哥華冬奧專門建造嘅加拿大線嘅終點站，但係加拿大線由於車型唔同，因此唔同博覽線/千禧線共用軌道，而係有自己嘅月臺同軌道。
車站結構
[編輯]地面
[編輯]| S | 地面 | 主出入口（哥多華街） 副出入口（格蘭維街－加拿大線、候街－博覽線/千禧線） |
| 車站大堂 | 售票機、閘門、咖啡店、餐廳 | |
| C | 通道 （博覽線/千禧線） |
通往仙古利亞中心、濱水購物中心；售票機、閘門 |
| 通道 （加拿大線） |
售票機、閘門、商店 | |
| 天橋 （海上公車） |
售票機、閘門；通道往直升機場 |
博覽線月臺
[編輯]| ←博覽線列車往英王佐治／產業路－大學 | |
| 博覽線終點站（准落唔准上）⥇ | |
西海岸快車
[編輯]| 西海岸快車往米遜車站→ | |
| 西海岸快車往米遜車站→ | |
加拿大線
[編輯]| 備用月臺 | |
| 加拿大線往機場或列治文－布歷候斯→ | |
註：兩個站臺可能會交換位置或者同時運作。
海上公車
[編輯]| 候船區 閘門、洗手間 | |
| 備用區域 | |
| 海上公車往北溫→ | |
| 海上公車往北溫→ | |
| 備用區域 | |
參考
[編輯]- ↑ Davis, Chuck. "The History of Metropolitan Vancouver - 1914 Chronology". 喺November 27, 2010搵到.
- ↑ 2.0 2.1 Photograph of CPR Station, foot of Granville, 1906 Archive.is嘅歸檔，歸檔日期2012年7月19號，, British Columbia Archives.
- ↑ 3.0 3.1 CPR station, undated photograph 互聯網檔案館嘅歸檔，歸檔日期2011年6月7號，., British Columbia Archives, at Columbia Pacific.
- ↑ Davis, Chuck (2008). "Today in Local History - October". 原著喺2011年6月10號歸檔. 喺November 17, 2010搵到.
- ↑ 5.0 5.1 "Chair honors "Visionaries" as SeaBus turns 30". TransLink. 2007-06-15. 原著喺2016-03-03歸檔. 喺2012-05-17搵到.
- ↑ "Vancouver History 1985". VancouverHistory.ca. 原著喺2019-01-19歸檔. 喺2008-10-29搵到.
- ↑ "Vancouver Regional Rapid Transit Project Quarterly: Winter 1986" (PDF). BC Transit. 原著 (PDF)喺2011-08-28歸檔. 喺2011-10-23搵到.
- ↑ "Everything Evergreen: New SkyTrain operating pattern for Expo and Millennium Lines". 《運輸聯線》. 2016-09-19. 原著喺2016-10-05歸檔. 喺2016-10-24搵到.
