直刃族

出自維基百科,自由嘅百科全書
跳去: 定向搵嘢

直刃族(Straight edge,又譯做正派龐克)係80年代美國東岸興起嘅一種後生仔文化,佢哋有 Punk 嘅態度同打扮,但係堅持唔飲酒、唔食煙、唔啪丸。其中又有一部份係素食主義者。標誌係英文字母 X

X[編輯]

Straight edge嘅標誌係英文字母 X ,佢哋會喺對手嘅手背上寫或者紋一個 X 字,代表佢哋唔會買酒飲。除咗寫或者紋喺手背,亦會印喺 T-shirt或者寫喺其他總之身體上會見到人嘅地方。有時亦會寫成sXe,即係Straight edge宿寫中間再加個 X。

簡史[編輯]

起源[編輯]

1981年華盛頓一隊 hardcore樂隊Minor threat所發表嘅一首歌,觸發Punk 文化入面一場Straight edge運動,Straight edge同時亦係Minor threat一隻大碟名稱。結果呢場Straight edge運動,喺波士頓美國東岸興起,佢基於一個簡單理念:「你可以話事,唔需要畀其他嘢控制」,呢樣嘢由Minor threat樂隊主音 Ian MacKaye最先提出,之後仲好快就傳到去歐洲,發展出其他理念例如:「我唔飲酒煲煙、唔揩草啪丸,因為我有更好嘅事要做。我唔沈溺任何改變心智嘅藥,都一樣可以好過你,我就係Straight edge。」[1]

演變[編輯]

Straight edge華盛頓開始興起,慢慢多人識,不過對於Punk友嚟講吸引力唔大,所以Straight edge最初只係一啲地區運動,未全國化。而好多Straight edge嘅樂隊出咗名之後,都唔再玩hardcore而轉玩其他比較賺錢嘅音樂,又有一啲喺出名之後開始隊揩草啪丸,同原本Straight edge諗法已經變晒,所以到咗後期,諗Straight edge出嚟嘅Minor threat樂隊主音 Ian MacKaye雖然仍然堅持無變到,但佢自己都唔再認自己係Straight edge。之後開始Straight edge嘅人唔係一味只識批評其他 Punk友,就係抄返以前啲人嘅音樂同衣著,反吸煙反吸毒,無啦啦又反埋同性戀

第二波[編輯]

80年代中,Straight edge樂隊Youth of Today算係嗰陣Straight edge樂隊之中最紅,主音Ray Cappo突然間走咗去信奎師那(krishna),加入咗國際奎師那知覺協會,一個印度宗教組織。喺Ray Cappo影響下,令Straight edge喺本質上有好大改變,好多Straight edge友都開始一齊信奎師那,令成個運動開始宗教化,又因為宗教影響,除咗原本唔飲酒、唔食煙、唔啪丸,又加入唔食肉,變成素食主義,後來又加入嚴禁不當性行為。

90年代中[編輯]

90年代中又有幾隊Straight edge樂隊將Straight edge理念改變。有隊叫Earth Crisis重金屬樂隊,宣揚動物權益地球優先觀念,但佢哋行為太怪雞所以畀人笑多,但佢哋亦反映呢個時期Straight edge運動嘅發展方向,除咗原本嘅無煙無酒無藥同素食主義,又加咗動物權益環保無政府主義,代表樂隊仲有Vegan ReichRaid

但同時又發展出性別歧視同性戀恐懼(反同性戀行為)、集權主義呢啲極端行為出嚟。

參考[編輯]

  1. 1981年Minor threat發表"Straight Edge"歌詞,參考Straight Edge

[編輯]