第36屆委內瑞拉總統選舉

第36屆委內瑞拉總統選舉
委內瑞拉選舉政治專題
‹ 2013 •  • 2023 ›
2018年
選舉類型				總統
選舉統計
			委內瑞拉社會主義統一黨
			政黨聯盟			大愛國陣線
			正義第一黨
			政黨聯盟			民主聯合圓桌聯盟
委內瑞拉總統
選前 馬杜羅 委內瑞拉社會主義統一黨

第36屆委內瑞拉總統選舉最遲響2018年舉行。

背景

2017年武力鎮壓反政府示威

2017年，喺上一任總統查韋斯死後，委內瑞拉深陷物資短缺、瘋狂通脹嘅經濟危機。總統馬杜羅民望已經跌到廿個百分點以下，恐怕好難再承受不斷示威，同埋同國際社會關係繼續惡化。

2017年3月29號，委內瑞拉最高法院取消代替國會行使立法權嘅裁決，被反對派形容係「政變」話係最高法院「奪權裁決」，搞到連續幾日都有示威抗議，響委內瑞拉首都加拉加斯，大批示威者企圖遊行到市中心政府辦公大樓，警方出動裝甲車阻攔，又施放催淚彈驅散人群，有民眾用石頭敲打公路防撞欄表達不滿。

2017年4月1號，事件有咗戲劇性變化，馬杜羅3月31號深夜召開國家安全委員會緊急會議之後，凌晨要求最高法院覆核裁決。最高法院隨後宣布修改裁決，表示唔會代替國會行使立法權，國會議員繼續享有司法豁免權，法院強調冇意圖奪去國會權力。不過反對派仍然不滿，指摘最高法院朝令夕改，正好證明法院被馬杜羅控制，委內瑞拉已經冇權力分立，呼籲民眾繼續施壓，要求盡快舉行被政府拖延反對派贏面極高嘅地方選舉，同埋提前選總統。但係國會議長博爾赫斯話唔可以當冇事發生過。

2018年1月22號，歐盟就住委內瑞拉2017年武力鎮壓反政府示威，制裁七個委內瑞拉高官，馬杜羅就反駁批評制裁荒謬。

過程

2018年1月24號，被睇成係效忠馬杜羅嘅制憲大會通過，原訂12月嘅總統大選提前到4月30號舉行。制憲大會話，提前大選係要回應西方國家嘅制裁。而多個拉美國家批評委內瑞拉嘅決定，認為難以保證選舉公正。

選舉人

社會黨

馬杜羅講明有意競逐連任，相信執政社會黨下個月頭嘅黨大會會確認馬杜羅係黨內唯一候選人。

分析

2017年武力鎮壓反政府示威

分析話，今次係馬杜羅重大讓步，相信係頂唔住國內外嘅強大壓力。最重要係連馬杜羅嘅長期盟友，最高檢察院總檢察長迪亞斯亦罕有公開斥責最高法院破壞憲制秩序，搞到政府內部分裂，做成事件轉捩點。

而另一個南美洲國家厄瓜多爾，4月2號嘅總統選舉亦可能影響馬杜羅決定。厄瓜多爾現任總統科雷亞係馬杜羅嘅老死，科雷亞支持嘅候選人莫雷諾同對手拉索爭持激烈，委內瑞拉政治危機成為拉索攻擊莫雷諾嘅「彈藥」，聲言唔可以畀厄瓜多爾變成另一個委內瑞拉。

選前

2018年1月24號，而任期剩底一年嘅馬杜羅係想趁反對派重未團結，同埋經濟重未見底嗰陣同埋提早利用大選延長管治。