統一碼

出自維基百科,自由嘅百科全書
跳去: 定向搵嘢

統一碼Unicode),又叫做萬國碼單一碼,係一種國際標準電腦文字編碼,用來畀電腦儲存同交換文字訊息。電腦要將文字編碼,即係每個字畀個數字佢。

響未有統一碼之前,世界各地都用唔同嘅編碼,搞到好難互換資料。有時同一種語言,咁多種編碼都無辦法包括晒日常生活要用字。整統一碼出來,就係畀全世界嘅電腦有一種共用嘅編碼,可以好方便咁交換資料。

現時統一碼嘅發展係由統一碼聯盟負責,佢嘅同ISO/IEC有好緊密嘅聯繫。統一碼同國際標準ISO/IEC 10646係一致嘅。

統一碼嘅出現,幫助軟件可以進一步國際化本地方化。亦都容許唔同地方嘅文字擺埋一齊。