網上欺凌
出自維基百科，自由嘅百科全書
網上欺凌係指喺互聯網發生嘅欺凌事件，常見嘅網上欺凌方法有：
- 重複並且不斷噉對其他網民使用言語暴力。
- 重複並且不斷噉對特定網民或者網絡群體進行杯葛。
- 模仿特定網民外表同埋行為特徵，然後加以羞辱。
- 將受害人嘅個人資料（例如真名，樣貌等）公開。
- 將受害人個樣移花接木至其他人張相度，或者喺呢啲相側跟加上誹謗性文字，俗稱「改相」。
- 重複並且不斷噉喺論壇入面用言語、發帖，甚至洗版等方式公開侮辱受害人。
- 重複並且不斷噉傷害同受害人有關嘅人同埋朋友，藉以孤立受害者，稱為「關係霸凌」。
網上欺凌係一種反社會行為，通常會造成受害人心靈創傷、扭曲，又會造成課業成就低落、人際疏離，甚至有可能逼迫受害人產生報復性攻擊行為，或者令受害人轉而去蝦人哋[1]。
