網絡備案

出自維基百科,自由嘅百科全書
跳去: 定向搵嘢

備案,又叫中華人民共和國網絡實名制,由工信部發行,所有喺中國大陸託管嘅網站都要進行備案。

[編輯]

2000年9月嘅《中華人民共和國電信條例》指出,所有託管喺中國大陸嘅域名都要有一個證書,網站託管商必須要禁止證書唔符合嘅網站訪問。

一啲外國公司,例如Google,摞唔到證書但又想喺中國託管,就要同一啲中國公司合作嚟用佢哋嘅證書。

點樣備案[編輯]

一般嚟講,首先要企喺一塊印有工信部Logo嘅幕布前面影相,要求係要去指定地點拍攝,但係好多提供商貪方便,都會快遞幕布畀客戶自己影(2013年開始呢種行為被批評)。然後,複印各種證件(身份證之類),然後簽幾份文件,根據唔同提供商有所唔同,大體上有網站備案信息真實性核驗單、網絡接入服務合同互聯網信息安全備案責任書、XXX(託管提供商嘅名)備案資料提供、域名證書(通常喺大陸提供商註冊嘅域名先至有證書)。

資料準備充足,提交畀提供商,提供商會幫你上傳到工信部,等20日左右就有回覆。如果被拒絕,就要重新執行上邊嘅步驟。

由於好多時被拒絕都係根據審核員心情而定,所以備案引起好多爭議。