羅達雄

羅達雄（Lawrence Law），香港大律師，因為喺12港人案入面被指係官派律師而引起一啲香港媒體嘅關注。

早年事蹟

羅達雄喺 1992 年獲認許為大律師，另外完成咗香港城市大學（法學士）、香港大學法學專業證書，中國人民大學法學碩士 （民商法學專業）同埋中國法與比較法法學碩士嘅學歷。

不過，羅達雄先後喺 2005 年同 2007 年，因為違反大律師《行為守則》被停牌同罰款。

12港人案入面被指係官派律師

12港人案被告之一李宇軒，去到3月底喺內地刑滿被遣返返港後，案件喺3月31號提堂，佢被羅達雄代表，羅達雄當時拒絕透露李嘅下落，而李宇軒嘅妹妹就話羅達雄唔係家屬安排嘅代表律師，更加話睇報道先知有呢個人，有部分傳媒就形容羅達雄喺事件上係官派律師，但佢所屬嘅律師樓就否認。