手淫

古希臘男人手淫圖

手淫，係種性行為，人用手摸到自己性器官興奮。如果自已摸自已，又叫自慰，又叫自模。如果係兩人幫對方手淫，又叫互摸。

除咗用手，有時亦會用架生，只要唔係兩個人正式性交，都算手淫。

男女都可以手淫，原理類似，但方法不一。性器官可藉接解同磨擦而興奮，有時可以去到性高潮。

手淫自古就有，見諸文物古籍。但唔同地方，會有唔同觀感。有啲地方，認爲不可接受，會有害社會，或傷身體，或有損品德。現代來睇，呢啲都係無根據。

除咗人，動物都會有類似手淫行爲，令自己興𡚒。

名

男性手淫又叫打飛機、打朘朘。「淫」字喺中文有「過多」嘅意思。古人未有科學方法，迷信過多有傷身體，或男人射精太多，不利多生育。現代醫學證明手淫本身無害。

男人興奮時叫火，手淫高潮射精，就叫出火。

男

自慰緊

而現代男仔男性好多都有手淫習慣，有啲甚至一日多次。其實手淫唔一定用手，有人會借用蕉皮、生豬肉、毛巾、甚至二手底褲、胸圍。

打飛機通常都需要性幻想以幫助增加性興奮，達到射精。男同性戀者亦會以互相打飛機作男男性行為，因為較為方便、簡單。

中國古代醫學認為「一滴精十滴血」，以為打飛機會影響健康，甚至不舉，其實呢啲都係無根據嘅。而且適當時候打飛機，可以舒緩壓力，得以放鬆。

有人認為打飛機係一種壞習慣，希望戒除，其實完全無噉嘅必要。自慰係一種正常嘅現象，可以解決性需要，而且有啲動物都有自慰嘅行為。好似熊噉，佢哋會將陰莖放喺樹幹上面磨擦，以達到性興奮。

男仔開始進入發育期嘅時候，因為體內激素分泌好多，就開始有扯旗嘅情況。無論幾時都會扯旗，不過清晨時份，好多人都會有慣性扯旗嘅情況。有啲人會好奇，而搞自己嘅賓舟，噉就可能達到性興奮。亦都有男性係睇鹹片，或者同其他男性朋友互相交流嘅時候，學識打飛機嘅方法。

好多男性都有打飛機，以下會簡單講下男性通常點樣打飛機：

1. 男性自己一個人打飛機，例如沖涼嗰陣或者喺鎖咗門嘅房入面
2. 通常利用想像力或者用手刺激，令賓舟扯旗
3. 大部份男性都要咪埋眼做性幻想
4. 跟住會用握拳嘅方式套住賓舟
5. 揸住賓舟根部，郁動塊包皮令佢上下移動，刺激龜頭同成條賓舟
   1. 割咗包皮嘅人，可能需要潤滑劑或者口水，再喺龜頭摩擦
   2. 有啲男性可能喺自慰當中，同時用手按摩/刺激屎眼、陰囊，甚至用手指塞入屎眼
   3. 有啲男性鍾意將賓舟喺枕頭或者其他柔軟嘅嘢上面摩擦，直到射精，而唔用手
6. 之後好快就會性高潮同射精

女

女仔用自慰器自慰

女性亦都有自慰習慣，近年女性自慰開始普遍 ，但唔少女性開始自慰並唔係特登，而是摩擦到下面嗰陣有快感，之後先開始自慰。

女性常見自慰方法：

1. 摸陰核同外陰嘅地方。
2. 用自慰器（例如假陰莖）或條型嘅嘢插入陰道。
3. 用手指插入陰道。
4. 部分女性可能會同時用手按摩乳頭、乳房，或刺激肛門、會陰。
5. 最後有高潮

睇埋

• 活塞男事件