蝶影紅梨記

《蝶影紅梨記》係香港粵劇劇作家唐滌生根據元朝張壽卿寫既《紅梨記》改編而成既粵劇。呢套劇最早係喺1957年香港仙鳳鳴劇團既任劍輝同埋白雪仙主演。

古仔

個古仔講山東才子趙汝州同埋汴京名妓謝素秋既愛情故事。佢哋神交三年，靠作詩傳情，但係素未謀面。

王丞相（王黼）通番賣國，打算用百二佳麗獻俾金邦，而謝素秋係呢班女仔既阿頭。趙汝州知謝素秋被困喺相府，趕到相府既時候入唔到去，兩個人只可以隔住「九尺銅門」同聲痛哭。喺王丞相既手下劉公道幫手之下，用移花接木既方法救走咗趙素秋，不過幾經波折，最後都係俾王丞相押返去相府。而王丞相睇見謝素秋，覺得佢好靚，想嚟個王丞相獨佔花魁。

傷心既趙汝州上京考試，中咗狀元，做咗按察使，仲奉命追查王丞相通敵既罪名。喺王丞相啱啱想舉行納妾儀式既時候，趙汝州及時趕到，見到堂中插滿紅梨花，覺得好奇怪，後來經過謝素秋同埋劉公道解釋，知道咗真相，捉咗王丞相，趙汝州公私兩仇都報咗，趙汝州同埋謝素秋終於有情人終成眷屬。