袋鼠航線

袋鼠航線，係指來往歐洲同大洋洲間經停東半球嘅客運航線，佢哋通常都會喺東南亞停一停。呢啲航線嘅航班可以為航空公司帶來可觀嘅利潤，因為大洋洲國家特別係澳洲同紐西蘭兩國有大量歐洲裔人口，而歐洲同大洋洲兩地間又有極長嘅距離。

但係，由於同政府之間嘅協議，可以經營呢啲航線嘅航空公司為數唔多。「袋鼠航線」呢個名由澳洲航空首創^[1]，個名由來唔單止係因為袋鼠對澳洲嘅獨特性，更因為呢啲路線嘅航班絕大部分都會中途停一站，類似袋鼠跳躍嘅動作。