蹺蹺板

出自維基百科,自由嘅百科全書
跳去: 定向搵嘢
遊樂場嘅蹺蹺板

蹺蹺板,又叫翹翹板搖搖板,係指用某啲嘢做支點,支撐住好長但好狹窄嘅板喺上面,令一方上升時,另一方下降嘅遊戲。呢種運用咗槓桿原理,並且係兒童遊樂場嘅典型遊戲。

喺遊樂場嘅設定裏面,呢塊板通常會被設置喺正中,而兩邊就各坐一個人然後輪流用腳踏地下令自己嗰邊升上去。而喺遊樂場度嘅蹺蹺板通常會有扶手畀遊戲者捉住。而蹺蹺板最大嘅問題係如果一邊嘅細路比另一邊嘅重好多嘅時候,當該較重嘅細路突然用力踏地或坐低唔肯踏地時,另一邊嘅細路可能會跌倒重會受傷。而為咗呢個原因,蹺蹺板通常會安裝喺柔軟嘅膠質地面上。

狗狗靈敏賽裏面,蹺蹺板通常會設成唔平衡令參賽狗隻喺佢上面行過嗰時,總係會以同一方降下地面。

蹺蹺板除咗可以畀細路玩之外,亦可以作為喺特技表演嘅工具。而日常生活裏面,就可以作為機械工具,呢個係因為蹺蹺板用咗槓桿原理。