道瓊斯工業平均指數

出自維基百科，自由嘅百科全書

道瓊斯工業平均指數（Dow Jones Industrial Average，DJIA，簡稱道指）係由華爾街日報編輯同埋道瓊斯公司創辦人查理斯道（Charles Dow）創造嘅幾種股票市場指數之一。佢將呢個指數作為測量美國股票市場上工業構成嘅發展，係最悠久嘅美國市場指數之一。

時至今日，平均指數包括美國 30 間最大、最出名嘅上市公司。雖然個名提及「工業」呢兩個字，但實際佢對歷史上嘅意義可能比對實際上嚟得多啲——因為今日嘅 30 間成分企業之中，大部分都唔再同重工業有關。由於補償股票分割同埋其它嘅調整嘅效果，佢而家只係加權平均數，唔代表成分股價值嘅平均數。