鄧荀

鄧荀
東吳 官員
死	263年 交趾
活躍時期	262年～263年
遞啲名
其他名	鄧句、鄧詢

鄧荀（粵拼：dang6 seon1；？—263年；「鄧荀」係《晉書》記法），《三國志》記名爲鄧句（dang6 geoi3），《大越史記全書》記名爲鄧詢（dang6 seon1），係三國時東吳嘅官員，佢同交廣戰役有關。

永安五年（262年），吳主孫休派察戰鄧荀去交趾（而家越南北部一帶）徵調孔雀、野豬。交趾太守孫諝之前派郡度上千人去建業（而家南京）服徭役，當地人睇鄧荀來咗，以爲又要徵人徭役，於是郡吏呂興趁機煽動起啲人，招攬周圍嘅越人，係遞年（263年）農曆五月起兵，殺孫諝同鄧荀，是爲交趾之亂嘅起始。

史書中有另一種講法話，孫諝做官貪暴，當地人好怨佢，察戰鄧荀來到交趾，又擅自徵調三十隻孔雀（《大越史記全書》嘅數字，《晉書》記爲三千隻），仲要啲人送批孔雀去建業，啲人都唔想服役，於是諗住造反，呂興帶頭起事，殺咗孫諝同鄧荀。

參攷資料

• 吳士連. 〈外紀卷之四：屬吳晉宋齊梁紀〉. 《《大越史記全書》》. 癸未〈漢炎興元年，吳永安十六年〉春三月。初，吳以孫諝為交州太守。諝貪暴，為百姓患。至是吳主遣鄧詢至郡。詢又擅調孔雀三十隻，送建業。民憚遠役，因謀作亂。夏四月，郡吏呂興殺諝及詢，而請太守及兵于晉。〈按《綱目》云：請吏于魏。明年魏禪位於晉，則魏亦晉也。〉九真、日南皆應之。
• 陳壽. 〈魏書：三少帝紀 — 陳留王紀〉. 《《三國志》》. 辛未……孫休遣使鄧句，敕交阯太守鎖送其民，發以為兵。吳將呂興因民心憤怒，又承王師平定巴蜀，即糾合豪傑，誅除句等，驅逐太守長吏，撫和吏民，以待國命。九真、日南郡聞興去逆即順，亦齊心響應，與興協同。
• 陳壽. 〈吳書：三嗣主傳 — 孫休傳〉. 《《三國志》》. （永安）六年……五月，交阯郡吏呂興等反，殺太守孫諝。諝先是科郡上手工千餘人送建業，而察戰至，恐復見取，故興等因此扇動兵民，招誘諸夷也。
• 房玄齡. 〈列傳第二十七 — 陶璜傳〉. 《《晉書》》. 孫皓時，交阯太守孫諝貪暴，為百姓所患。會察戰鄧荀至，擅調孔雀三千頭，遣送秣陵，既苦遠役，咸思為亂。郡吏呂興殺諝及荀，以郡內附。