阿里斯托芬

出自維基百科,自由嘅百科全書
跳去: 定向搵嘢
Sketch of Aristophanes

阿里斯托芬Ἀριστοφάνης,約莫前448年前380年),古希臘喜劇作家,雅典公民。被人睇成係古希臘喜劇尤其係舊喜劇至重要忌代表。相傳寫有四十四部喜劇,家下重剩返《阿哈奈人》(The Acharnians 425 B.C.)、《騎士》(The Knights 424 B.C) 、《和平》(Peace 421 B.C)、《雀》(The Birds 414 B.C)、《蛤乸》(The Frogs 405 B.C)等十一部。被人叫做「喜劇忌老竇」。

關於渠忌生平我等知得好少。我等估渠向約莫前448年雅典忌一個市區出世,渠阿爸可能叫腓利普斯。由前430年前428年阿里斯托芬受到好好忌戲劇教育,之後開始發表劇本。一開始嗰三部發表嗰時渠毋寫自己忌名。之後亦都成日用其他名發表劇本。總共寫咗44部劇,有四部可能毋係渠寫忌。

渠嘅作品始終涉及到嗰時忌人同事,成日將渠等戲劇化同添尐幽默入去。阿里斯托芬亦都成日引用其他詩人(例如歐里庇得斯)忌作品,阿里斯托芬成日批評,甚至乎嘲弄蘇格拉底等人,尤其係同克利翁敵對。阿里斯托芬向前426年忌作品《巴比倫人》入邊對克利翁忌描寫搞到克利翁告渠誣蔑城邦。但爾個控告無任何後果。兩年之後克利翁又試著去剝奪渠雅典公民忌權利,但亦都無成功。有人話阿里斯托芬忌老竇係由羅得島抑或埃及遷入忌,後尾先攞到雅典公民權利。

阿里斯托芬忌作品好多次向比賽入邊攞到最高獎,已知有六次第一,四次第二。渠忌喜劇《蛤乸》(前405年)甚至被允許向前404年再參加同一比賽,爾個係一個非常之高忌榮譽。前390年通過抓采被任命做首席執政官

渠三個仔亦都係喜劇作家。前385年上下阿里斯托芬死喺雅典。渠成世大多數時間系向雅典過忌。短期渠亦都向前431年至殖民忌愛琴那島上邊住過。一尊同米南德向一齊忌雙胸像係阿里斯托芬唯一留低忌肖像作品。今日爾尊像向波恩忌博物館入邊展出。

阿里斯托芬之前都有非常之多忌喜劇作家,但阿里斯托芬剩返嗰十一個劇本,係家陣留低忌至早忌希臘喜劇。渠剩返嗰尐劇本入邊,前九部同渠之前忌喜劇叫舊喜劇,剩返後邊嗰兩部就叫中喜劇新喜劇

舊喜劇忌特征係有廿四個人忌歌隊,重成日有四到五個演員擔綱演出;結構上邊由「序場」(prologue)、「入場」(parados)、「妙想」(a happy idea)、「辯論」(agon)、「場次」(episodes)、「致辭」(parabasis)同「終場」(komos)組成。