陰莖環

出自維基百科,自由嘅百科全書
跳去: 定向搵嘢
陰莖環

陰莖環係套喺男性陰莖上嘅性玩具,一般套喺陰莖嘅底部,主要係用嚟減慢勃起之後血液流出陰莖組織,從而延長勃起嘅時間。陰莖環可以直接戴喺陰莖上,或者將陰莖同陰囊一齊套入環裏面,又或者只係戴喺陰囊上(咁樣戴,一般會叫做「睾丸鎖」)。陰莖環可以由好多種唔同嘅物料製造,最普遍嘅係皮革橡膠矽膠或者金屬

通常男人會因爲有勃起困難而佩戴陰莖環。又或者佢哋中意收緊嘅特殊感覺以及增加陰莖充血量而佩戴。

某啲款式會包括凸出嘅金屬珠,用嚟喺性交嗰陣刺激陰核陰戶或者肛門。另外亦有附加振動器嘅,用嚟刺激自己或性交對像嘅睾丸或者陰戶。仲有充氣式嘅,可以控制陰莖環充氣量。

三段式嘅陰莖環有額外嘅環套住睾丸。當性交高潮嗰陣,睾丸通常會喺射精嗰陣向身體方向收縮。三段陰莖環通過強制睾丸留喺原有位置唔向身體方向收縮,從而改變及強化性高潮嘅感覺。

陰莖環佩戴得太緊或太長時間會造成危險,會引發陰莖持續勃起症。如果唔及時處理會造成嚴重及永久性嘅傷害,包括陰莖壞死。爲咗減低佩戴陰莖環所造成嘅風險,某啲陰莖環會有「快懈」設計,以方便喺持續勃起嘅時候好快咁將陰莖環攞落嚟。

有陣時,陰莖環亦會同陰莖泵一齊用。

參考[編輯]