出自維基百科,自由嘅百科全書
跳去: 定向搵嘢

,寫法為「尸」字入面加個「求」字。根據康熙字典,呢個字讀求(kau4),但一般俗音讀鳩(gau1)。意思指男人嘅性器官,係其中一個粗俗俚語用字。

俗寫[編輯]

廣東話粗口㞗(gau1),由於唔少電腦唔支援呢個字,所以一般網絡上會以「」字假借佢個音,另外亦有人用「門」字裏面加個「九」字(𨳊)代替。除咗呢兩個外,有啲人以為「」字入面有個「九」字,讀「㞗」,用「尻」字表示廣東話粗口㞗,但其實尻字解做髖骨,讀烤 haau1,無論音定意思都同㞗無關。

用法[編輯]

  • 作名詞用,「陽具」嘅意思,量詞係「條」或者「碌」。例子:
留得碌㞗在,那怕冇女屌!
睇吓邊個條㞗大啲?
  • 語氣助詞,本身冇意思,用作加強語氣。例子:
屌㞗你!(加強「你」嘅語氣。)
多㞗餘(加強「多餘」嘅語氣。)
點㞗樣呀你?(加強「你想點樣」嘅語氣。)
用以加強堅決嘅語氣,例子如下:
是㞗旦/求㞗其(冇所謂,隨便嘅意思;有「唔好再問我」嘅意味。)
罷㞗就(就咁算數;有「唔會再有第二次機會」嘅意味。)
話㞗之你(隨便你;有「堅決唔再理會」嘅意味。)
戇㞗(戇吓戇吓嘅意味)
*助詞,可以作為顛倒句子意思。例子:
有㞗野玩!(冇嘢好玩。)
有㞗女望!(冇女好望。)
  • 形容詞(1),形容呆頭呆腦嘅樣。例子:
㞗下㞗下(呆滯笨拙。)
  • 形容詞(2),形容人奸狡無良嘅時候,前面通常會加個字;或者形容冇主見而令人覺得好麻煩嘅人。例子:
條友仔好撚㞗!(嗰個人好鬼死奸狡。)
條友仔諗嚟諗去都唔知想點,㞗到死!(嗰個人唔知佢諗想點,好鬼死麻煩。)

文法[編輯]

講粗口嘅時候,「㞗」字同「𡳞」字意思同性質係好似,都係好少單獨字咁使用,多會夾雜喺句子中加強語氣,文法同「撚」字一樣,基本上可以同「𡳞」字互換嚟用或者一齊用。例子:

好悶呀! → 好㞗悶呀!好撚㞗悶呀!(好鬼悶!/悶到發神經!)
我話之你死 → 我話㞗之你死(我決定唔會再理你)

「㞗」作名詞用嘅其它例子[編輯]

㞗細冇女要,鳩長俾狗噍:市井創作俗句之一,意思即係:陽具好細冇女性會接受,陽具大就會俾狗咬噬。

「㞗」作助詞用嘅其它例子[編輯]

打㞗佢:狠狠咁打佢一餐。呢個比起「打佢一餐」嚟得更狠更用力。

「㞗」作形容詞用嘅其它例子[編輯]

戇㞗㞗戇𡳞㞗:愚昧笨拙到唔識形容。

已故創作演藝人黃霑喺一篇訪問對數種形容陽具嘅俗名分類 [未記出處或冇根據]

  • 賓周:指未發育,花生咁睇嘅細路嘅陽具
  • 𡳞:指發育咗嘅大人陽具
  • 柒:指應該勃起仍然垂軟嘅狀態
  • 㞗:指喺唔適當時間/場合無故勃起,令人尷尬嘅狀態

常見嘅單獨字句應用[編輯]

㞗毛陽具上嘅陰毛。

戇㞗:愚昧笨拙,多數用嚟鬧人講咗(或做咗)冇意義或者無聊嘅話(或者事情)。

戇㞗仔/佬/妹:意思同上,用嚟形容人嘅名詞。

㞗屎:多數形容嗰啲一朝得志就乘機晒命,不可一世嘅人,有所謂「㞗屎撐撐」;亦有形容狡猾講大話,或者麻麻煩煩嘅人。例句:呢條友仔成身名牌揸住架波子,你睇佢幾咁㞗屎!(呢個人成身都係名牌兼渣住架保時捷跑車,你睇佢嗰個不可一世嘅衰樣!)。喺2006年香港人喺 MSN 用語中將「尻屎」講成「9s」。

㞗噏:胡言亂語唔知講乜、作大、信口開河嘅意思。「噏」讀作「up7]中文輸入嘅人會寫成「9up」。

好㞗雀躍:照字面解,好嘅陽具應該好似生猛嘅仔咁活躍;但一般係用嚟形容萬分高興嘅情緒。

唔㞗化:思想守舊古板,唔開化。

㞗芝媽碌:形容人講嘢語無倫次雜亂無章,或者做事一塌糊塗。

搲𡳞晒㞗頭:其實係由「(we² 或 wah²)晒頭」演變出嚟,抓爛頭皮諗極都諗唔明嘅意思;呢句係比諗極都唔明更加犀利誇張嘅形容詞。

㞗埋一堆:莫明其妙嘅組合詞語,意思即係走埋一齊,聚埋一堆,尤其是指嗰啲烏合之眾。例句:你咪同班專搞事嘅古惑仔㞗埋一堆啦!害尻死你呀!(你唔好成日群埋嗰班專搞事嘅黑社會份子啦,盞俾佢哋害到你雞毛鴨血呀!)

諧音引申[編輯]

其實有好多場合唔太方便直接用粗口字表達,但為咗要加強語氣又唔想粗口滿天飛,好多人會將粗口字改變成其它嘅諧音字嚟發洩。

「膠」[編輯]

一路以嚟,坊間都通俗咁流傳用個「膠」字嚟引申或者暗示「㞗」,例如有人會講:「你咪亂膠咁講呀」、「咪成舊擦膠咁企喺度啦」、「黐膠花」(引申自「黐鳩線」)。

圖案代表[編輯]

網絡社會入面,有人就將「戇㞗」讀諧音變成「硬膠」,再簡化成一個「膠」字搬出嚟用,而且有人仲用咗圖畫嚟搞鬼,整咗個小丑公仔嚟做「膠」字嘅專用圖像,如果喺咩網頁咩論壇度見到一個正圓嘅色面,十字紅大同展笑大嘅圖案,咁佢多數係代表話人戇㞗嘅〈小丑膠神〉嘞。

相關連結[編輯]