出自維基百科,自由嘅百科全書
跳去: 定向搵嘢

「尻」讀音: 烤 haau1)係人體脊柱嘅尾段,即係尾龍骨嘅位置。根據康熙字典,「尻」讀「考平聲」,「髖也」。但根據《說文解字》記載:「尻、𦞠也。从尸九聲。苦刀切。」,呢度就應該讀「gau1」。

其他用法[編輯]

因為字形下面有個「九」字,好多香港人就誤以為係粗口字。但其實粵語粗口本字係「㞗」字,讀gau1。「尻」字意思亦唔係鳩所指嘅意法,所以用「尻」假借粵語粗口嘅「㞗」係錯誤嘅用法。

莫釐頭尻[編輯]

無厘頭嘅正字,原本係廣東南海一帶嘅粵語俚語。莫釐係指「無乜道理,分唔清楚」,尻就係指脊骨尾部或者重未長成嘅尾,喺呢度引申為「末端、最尾」嘅意思。夾埋一齊嘅意思系:「形容人或事分唔清次序同頭尾,毫無邏輯可言。」[1]

「莫釐」後來變音成「無釐」,又或者係「莫」通「無」而假借;「尻」字由於以上原因,為求避諱而去咗。再因「釐」通「厘」,常年簡略之下變成「無厘頭」。

外文[編輯]

日本,「尻」呢個漢字可以指屁股,或者係結尾,例如一個姓氏「澤尻」,意指沼澤嘅下游。

參考[編輯]

  1. 香港商業電臺雷霆881《光明頂》(2010年6月21日)節目內查證

出面網頁[編輯]