陳景潤
陳景潤（1933年5月22號—1996年3月19號）係中國數學家，由於對證明哥德巴赫猜想作出巨大貢獻而出名。
生平[編輯]
陳景潤喺廈門大學數學系畢業。
1953年到1954年，陳景潤喺北京四中任教，由於口齒不清而無得上講台講課，祇可以批改作業。後來，佢被人以「停職回鄉養病」為名，調咗去廈門大學做資料員，同時研究數論。
1956年，陳景潤入咗中國科學院數學研究所。
1966年，陳景潤發表咗論文《表達偶數為一個質數及一個不超過兩個質數的乘積之和》（簡稱「1+2」），後來重因為呢項研究，同王元、潘承洞喺1982年共同獲頒中國自然科學獎一等獎。
1978年，陳景潤開始從事培養碩士同博士研究生嘅工作，先後喺貴州民族學院、河南大學、廈門大學、青島大學、華中工學院、福建師範大學等院校做兼職教授，同時擔任《數學季刊》嘅主編同國家科委數學小組成員。1980年，陳景潤當選中科院物理學數學部委員。
陳景潤體質好差，1973年患過嚴重嘅腹膜結核，1984年又患咗帕金遜症候群。1996年3月19日13點10分，陳景潤因為肺炎併發症過咗身，享年62歲。
學術貢獻[編輯]
陳景潤主要研究解析數論。佢篇論文《表達偶數為一個質數及一個不超過兩個質數的乘積之和》，成功證明到離哥德巴赫猜想「任何一個大於2嘅偶數，都可以表示成兩個質數嘅和。」一步之遙咁近，成為數學史上嘅里程碑。
陳景潤留低嘅著作有《初等數論》、《哥德巴赫猜想》等。
陳氏定理[編輯]
陳氏定理用數學語言可以表示成：對於任何一個大於2嘅偶數，都有奇質數、同，令到以下兩條算式裡面嘅一條成立：
當然，同兩條式可以同時成立。
