霍巴特

出自維基百科,自由嘅百科全書
跳去: 定向搵嘢

荷巴特(又作荷巴霍巴特英語Hobart)係澳洲塔斯曼尼亞首府同最多人嘅城市,亦係澳洲第二古老城市,僅次於悉尼。霍巴特係澳洲第十二大城市,城市人口超過廿萬,面積1357.3平方公里。

荷巴特係澳洲、法國兩國嘅南極研究母港,經常有南極研究船到港補給。

歷史[編輯]

荷巴特嘅土著係半遊牧嘅摩鴻尼亞族。1803年英國人喺力頓灣Risdon Cove)成為首批刑事定居者。1804年,居地移到荷巴特蘇莉芬灣Sullivan's Cove)現址。後來歐洲人同土著爆發血腥衝突,加上歐洲人帶來嘅疾病,將土著消滅。

德文河Derwent Water)口係全澳洲最好嘅深水港之一,亦係世界第二深嘅天然港(僅次於巴西里約熱內盧),佢曾經係南大洋鯨魚海豹貿易中心,後來佢迅速發展成一個主要港口

地理[編輯]

荷巴特處於塔斯曼尼亞東南嘅德文河口。市中心位於西岸,鄰接蘇莉芬灣。荷巴特市郊區沿河分散及至威靈頓山Mount Wellington)腳下,覆蓋河東、西兩岸嘅相當大地域。

氣候[編輯]

荷巴特屬温帶海洋型氣候,四季分明。夏季從十二月至二月,冬季從六月至八月。

娛樂[編輯]

荷巴特冇咩娛樂,因為只有兩間戲院同小量商場食肆。但逢週末可去比較熱鬧嘅沙拉曼卡市集(Salamanca)。

荷巴特重有塔州管絃樂團(Tasmania Symphony Orchestra,TSO),駐喺市中心河邊嘅聯邦音樂演奏廳,提供全年嘅演奏節目。荷巴特嘅皇家劇場喺澳洲最古老嘅劇場。荷巴特沙灣(Sandy Bay)區重有皇家遊艇會。

教育[編輯]

塔斯曼尼亞大學(又叫德望大學)喺沙灣區有一校園。

座標: 42°52′50″S 147°19′30″E / 42.88056°S 147.325°E / -42.88056; 147.325