食鬼

食鬼小精靈

《食鬼》（Pac-Man）係經典嘅街機遊戲，由Namco公司嘅岩谷徹設計並由Midway Games喺1980年發行。無咗一角嘅薄餅係岩谷徹創作呢個遊戲嘅靈感來源。

食鬼喺二十世紀八十年代風靡全球，最經典嘅街機遊戲之一，遊戲嘅主角小精靈嘅形象，甚至係大眾文化符號，或者係呢個產業嘅代表形象。佢嘅開發商Namco亦將呢個形象做佢嘅吉祥物同公司嘅標誌，一直用到今日。

遊戲模式

遊戲嘅目的就係控制遊戲嘅主角小精靈食晒喺迷宮入面所有嘅豆，而且唔可以俾鬼魂捉到。

迷宮嘅四個角有大嘅閃爍點叫做大力丸，提供小精靈一小段時間，可以反過來食鬼魂。鬼魂喺呢這段時間度會變成深藍色，會向反方向走，而且通常郁嗰時比較慢。當鬼魂俾小精靈食咗，佢嘅眼重喺度，會飛返鬼屋，並再生而回復正常嘅顏色。當深藍色嘅鬼魂反白閃動時，表示大力丸嘅效力就快消失，而隨住遊戲嘅進展，大力丸嘅有效時間會越來越短。喺遊戲嘅後段，食咗大力丸時，鬼魂唔會改變顏色，但仍然會向相反方向走。

獎賞物品：

• 車厘子，100 分
• 士多啤梨，300 分
• 橘，500 分
• 蘋果，700 分
• 提子，1000 分
• 旗艦，2000 分
• 波，3000 分
• 鎖匙，5000 分

Google紀念活動

2010年5月21號，為紀念遊戲誕生30周年，Google標誌改為遊戲圖片，而撳Insert Coin掣或等候十秒即可進行在線遊戲。呢個遊戲並唔係用Flash或Silverlight等流行程式整，而係用HTML、CSS同JavaScript製作而成嘅，得聲係用咗Flash。當連續撳Insert Coin掣兩次，更會出現雙打模式，各關卡都係同樣布局。遊戲嘅音效更同原裝一樣逼真，而為咗忠於原著，喺第256關Google更特別模擬因原裝遊戲程式錯誤而出現嘅亂碼畫面。遊戲原本只放喺傳統首頁48個鐘。因為好受歡迎，因此Google將當時嘅首頁改為永久版本。