鴨嘴筆（英文：ruling pen），係筆嘅一種，設計來lei4喺地圖、工程圖、建築圖則等等度準確咁畫幼線，主要結構係連喺筆杆嘅兩塊金屬片，中間一粒螺絲校線條粗幼[1]:150，而筆尖就係尖嘅。以前鴨嘴筆喺工程界仲係常用嗰陣，買到嘅圓規亦通常會有鴨嘴筆部件；但係因為佢要人手上墨水，已經少用。
因為鴨嘴筆設計來lei4係要啲線粗幼一樣，本來唔會用來寫書法，但係後來呢種書法上嘅缺點被bei2書法家當咗做一種挑戰，用咗佢來寫書法，係現代英文書法嘅一種，叫鴨嘴筆書法。
