龐山民

  呢篇文講正史中嘅人。想搵《三國演義》嘅龐山民嘅話，請睇龐德公。

龐山民
曹魏 官員
遞啲名
其他名	龐倦民、龐仙民

龐山民（粵拼：pong4 saan1 man4；？—？），喺《襄陽記》記爲龐倦民（pong4 gyun6 man4），又有另一版本龐仙民（pong4 sin1 man4），荊州襄陽人（而家湖北襄陽），係曹魏官員，官至黃門吏部郎。

佢係襄陽名士龐德公嘅仔，同龐統係堂兄弟。同佢老豆一樣，佢亦有好好嘅名聲，後來娶咗諸葛亮嘅二姐，做咗諸葛亮嘅姐夫。佢入仕曹魏，好早就過咗身。佢嘅仔叫龐渙，亦係做官，不過係晉朝嘅牂牁太守。

喺《三國演義》度，寫話龐德公字山民，其實唔係，據《宋書》龐德公字尚長，而襄陽民間流傳佢字子魚。

參攷資料

• 陳壽（著）；裴松之（注）. 〈蜀書：龐統法正傳 — 龐統傳〉. 《《三國志》》. 德公子山民，亦有令名，娶諸葛孔明小姊，為魏黃門吏部郎，早卒。
• 佚名. 〈龐德公傳〉. 《《襄陽記》》. 其子倦民，亦有令名，娶諸葛孔明小姊，為魏黃門吏部郎，早卒。