山西河南黑磚窯案

建議山西河南黑磚窯案改名同搬至山西黑磚窯案。 喺提出呢項移動請求嘅同時，應該喺呢處討論頁動議討論。 相關討論就應該喺處進行。 如果喺討論有明確嘅共識，請自己搬嗰頁並移走呢個模。 如果喺搬遷過程之中遇到困難，可以到Wikipedia:移動請求搵幫手。

2007年山西河南黑磚窯案（窯同窰讀搖），發生喺中國山西。嗰度嘅磚窯礦主，響拐子佬度買啲拐番嚟嘅人，當佢係奴隸，裏面重好多係細路仔，而呢班民工主要係來自河南省。礦主將佢哋鎖喺各個窯場，勞役佢哋，迫佢哋做一啲苦差，唔順郁啲就打，令到唔佢哋殘廢、甚至死。案件被媒體曝光之後，引起國人公憤，結果得到中國中央政府重視，胡錦濤等批示各地方政府檢查、營救等各種措施。涉案嘅主要係窯場主王斌斌、佢老豆黨支部書記王東己同埋窯場承包人衡庭漢。

事件經過

2007年6月5號，四百位，個仔畀人拐咗去山西做苦工嘅老竇，響中國共產黨河南省委直屬嘅《大河網》大河論壇嗰度，貼出一篇標題係《孩子被賣山西黑磚窯400位父親泣血呼救》嘅文。篇文貼出之後，引起外界廣泛回應。據統計，最後呢篇聯署信嘅點擊率，達到31萬次。兩日後，6月7號，有網友將篇文轉咗去中國另一個好多人用嘅網上論壇天涯社區。

過多個零禮拜，6月18號，廣東嘅維權律師唐荊陵發起藍絲帶公民行動，呼籲關注呢件事嘅，戴住藍絲帶直至到全部拐走嘅人返嚟為止。

最後，過多兩日，6月20號，中國國務院響發出嘅新聞公報裡面，指總理溫家寶要求打擊呢件事涉及嘅犯罪分子，黑惡勢力，又指涉及官員腐敗和失職問題，要嚴肅懲處。