2012年11月13號日食

2012年11月13日至14號發生咗一次日全食^[1]^[2]。呢次日食跨越咗國際換日線，佢喺當地時間11月14號喺澳洲北部（國際換日線以西）開始，並喺當地時間11月13號喺南美洲西岸附近（國際換日線以東）完結。呢次日食嘅最大食分係1.0500，只係發生喺近地點前12個鐘（近地點喺世界協調時間2012年11月14號上晝10點11分48秒），日全食最長持續時間只係比四分鐘多少少。當月球經過地球同太陽之間嗰陣，就會發生日食，令地球上嘅人睇到太陽完全或者部分被遮擋。當月球嘅角直徑大過太陽嘅直徑嗰陣，就會發生日全食，擋哂所有嘅直射陽光，將日頭變成夜晚。日全食發生喺地球表面嘅一條狹窄路徑上，而喺佢周圍數千公里闊的地區都可以睇到日偏食。

呢次係沙羅週期128入面嘅第45次日食，嗰個週期以1219年7月13號嘅日偏食開始，以2499年9月5嘅嘅日偏食完結。

可觀性[編輯]

呢次日食由澳洲北部，到南太平洋屬於智利嘅胡安·費爾南德斯群島（中文：胡安·費爾南德斯群島）以北大約470公里處都可以睇到日全食。全食帶經過人口最多嘅城市係凱恩斯，黎明之後一個鐘（澳洲東部標準時間（中文：澳洲時區）上晝6點39分，世界協調時間夜晚8點39分），嗰度會出現大約兩分鐘嘅日全食，太陽高度係14度^[3]。澳洲東部嘅太平洋小島諾福克島可以睇到日偏食，食甚發生喺諾福克島時間上晝8點37分，太陽高度係42度，98%嘅太陽被遮擋。

紐西蘭全國可以睇到日偏食。喺屋崙有84.8%嘅太陽被遮擋，而威靈頓、基督城同但尼丁分別有71.2%、61.9%同52.9%嘅太陽被遮擋。紐西蘭嘅食甚發生喺紐西蘭夏令時間（英文：Time in New Zealand）上晝10點30分（世界協調時間夜晚9點30分）左右，屋崙嘅食甚發生喺上晝10點27分，威靈頓發生喺上晝10點34分，基督城發生喺上晝10點35分，但尼丁發生喺上晝10點36分^[4]^[5]。

智利大部分地區同阿根廷一部分地區喺日落嗰陣時睇到日偏食。喺某啲地方，一半以上嘅太陽都被遮擋。喺智利，比奧比奧大區嘅塔爾卡瓦諾（中文：塔爾卡瓦諾）有72%嘅太陽被遮擋，湖大區嘅卡斯特羅市（中文：卡斯特羅市）有56%嘅太陽被遮擋。智利沿海地區靠近太平洋一邊嘅地理位置優越，可以觀賞日食嗰陣時太陽慢慢跌至地平線以下。再去北啲，直到安托法加斯塔附近，日食喺太陽落山嗰陣時先至出現，日食嘅觀賞價值比較低。