File talk:Crazy Heart hk.jpg

@特克斯特：的確，電影海報嘅來源並唔係真係咁難搵，但D人就係唔肯去搵，仲要連續兩三個月都係咁，所以知道呢位人兄唔係一時唔記得而係唔想搵，因此直接提刪（我留意左佢有一段時間 唔係太想畀面呢位人兄）。Akai 博士 (傾偈) 2021年4月3號 (六) 09:10 (UTC)

@特克斯特：呢位人兄叫User:Marcus Mac 2002，每逢佢upload嘅相就多數冇來源，唔信前輩可以翻查下。Akai 博士 (傾偈) 2021年4月3號 (六) 09:12 (UTC)

@Detective Akai：我都睇過係，我陣間喺佢個討論頁都做一個格式畀佢，佢以後上載圖片就照dup個模落去就過關，符合用途（同上載唱碟圖片一樣，呢啲唔使點用腦，複製貼上就過關）。不過今次牽涉圖片數量細，我3日內又有時間咪幫佢做埋。雖然呢度真係冇其他人咁有心幫佢搞。前幾日我同WikiCantona嘈完都幾乎唔想再返嚟呢度管理咁差嘅地方去寫文（同自我保護意識咁強嘅地方或者人），而家做埋藝人、娛樂嘢就七七八八（都要做好幾年甚至10年 兩岸三地咁多藝人），其他時事嘢我都費事寫同理，寫返唱碟 歌曲 演唱會 藝人文算數。返返去我老本行。特克斯特 (傾偈) 2021年4月3號 (六) 09:23 (UTC)

@特克斯特：唔係我唔想幫個位人兄整，而係我有心無力（我自己本身對呢方面又唔熟，都幫唔到佢）。WikiCantona前輩為人唔會好似其他人咁對人熱情，呢點冇錯。佢好似話官話威脅大過英文，我就覺得其實平時溝通用官話同英文都冇所謂，唯獨響寫文個陣要小心D囉（其實我平時寫文周不時都加D成語落下架啦 又唔見佢話我，我諗應該係因為你響中維逗留咗一段長時間啩）。Akai 博士 (傾偈) 2021年4月4號 (日) 03:20 (UTC)

@特克斯特：啱啦，我頭先搵到一張相[1]，我見佢係CC BY-SA 2.0，唔知可唔可以upload？Akai 博士 (傾偈) 2021年4月4號 (日) 04:24 (UTC)

@特克斯特：再講，前輩話中維會有人好心幫手執文，我就覺得睇個人經歷囉。個人認為中維D人玩維基比粵維上心，佢地係真心想維基發展得好，唔似粵維多數前輩咁純粹玩嘅心態（試諗下，粵維由開始到2020年呢14年間，活動連一次都搞唔成，最後響2020年7月居然由一個名叫Akai博士嘅小菜鳥搞成，前輩請自行腦補）。但我覺得中維嘅人大多數對新人唔係太友善（唔信前輩去睇返我響中維嘅貢獻），早期我仲處於摸索嘅階段，唔識寫好正常，但中維冇人教我，幾乎次次開嘅文冇耐就畀人delete咗，個時嘅心情真係啞巴吃黃蓮，有苦自己知。雖然，粵維對新人都好冷漠，但未至於中維咁下下以關注度提刪。（其實我今次提刪，係因為想畀個下馬威佢：呢位小朋友唔聽你講架！你睇下之前都有人同佢提過，但係佢完全當冇道，所以我一時火遮眼就提刪左。。。）唔好意思吖，可能我太沖動都未定，但係希望前輩理解我咁做嘅原因。Akai 博士 (傾偈) 2021年4月5號 (一) 09:22 (UTC)

@Detective Akai：呢個係睇個人經歷。至少我喺中文維啲討論頁度望到唔少樂迷寫唱碟文，都係互相幫手（特別係畀大陸同台灣用戶提刪嗰陣），Universe嗰陣都幫過Apple V，你可以去Apple V中維個討論頁到睇下。或者我遲下揾畀你都得。中維嘅香港組係好團結，反觀粵維嘅香港組就......。其他嗰啲遲下喺個頭傾埋，Talk:張敬軒嗰個遲下再回復，最近搞緊呢樣嘢，歡迎你發表下意見 出句聲(?) 關於Template:寫粵文警告二，雖然好似唔關你事:/，不過個模起得唔多友善。特克斯特 (傾偈) 2021年4月10號 (六) 10:37 (UTC)