昂船洲大橋係香港一條起緊嘅跨海大橋。條橋跨過藍巴勒海峽，連住昂船洲同青衣島，將會係維多利亞港唯一一條跨海大橋。大橋係八號幹綫一部份，由2004年4月27號開始起，預計2008年6月起好。青衣島落點就響九號貨櫃碼頭，近南灣角。而昂船洲落點就響八號貨櫃碼頭。
昂船洲大橋係條斜拉橋，跨度1.6千米，雙程各有三條綫。橋有兩座橋塔借鋼纜拉起條橋，一座響青衣島，另一座響昂船洲。響蘇通大橋興建完成之前，條橋將會係世界最長嘅斜拉橋。
