《做個創世神》（英文：Minecraft，中國大陸叫做：我的世界，亦都有人叫做麥塊）係一款沙盒起嘢遊戲，玩家可以喺個三維世界裏而用唔同嘅方塊嚟起嘢。呢個遊戲係由馬歇佩松出品，佢重開咗間Mojang公司嚟搞隻遊戲。
地圖係根據一串隨機且非常長嘅種子字串（種子碼，喺遊戲中輸入/seed就查詢到）形成嘅，因此要隨機形成兩幅完全相同嘅地圖係幾乎冇可能（但可以透過人手動鍵入種子字串以形成相同嘅地圖）。地圖嘅大細非常廣，地圖可以係無限大，但是電腦可能承受唔到甚至崩潰。
