Talk:嘉絨話
|
嘉絨話嘅資訊曾經響2017年8月21號喺維基百科頭版嘅你知唔知？小節度出現過。 |  |
簡介[編輯]
嘉絨話係漢藏語言中嘅活化石，保存住上古語言、漢藏原始語嘅狀態，講真呀，我哋粵語號稱存古，但唔係古中文活化石，活化石嘅名頭要讓畀閩南話同客家話，粵語雖唔係化石，但個古音承傳係成體系嘅，留得咗格局同特點，不過見到嘉絨話面前，莫話閩客，就算係中古漢語，我哋都要跪低嗌聲「老豆！」，因爲嘉絨真係太古老啦，諸如人稱標記，呢類高級精密嘅語法我哋早就冇咗，語音上，複輔音單呢下我哋就冇聲出，唔好睇佢存古存到係原始語狀態，論語法詞彙語音，方方面面都係高級語言。能夠頂得過嘉絨話咁古老嘅，就得尼泊爾東部、喜馬拉雅山麓嘅Limbu語（若果唔係粵語野雞化咗、偏離古音，林布語呢個譯名係啱用嘅）。
提一樣嘢，嘉絨有個寫法係嘉戎，但嘉絨人可能同古代嘅西戎民族冇乜關係，所以最好唔好噉寫。
嘉絨人而家劃歸藏族，有啲人因此將嘉絨語劃做藏語方言，噉係唔啱㗎，就算佢唔係獨立語支，都一定係羌語言嘅一種，即使佢係藏地，係接受西藏文明影響嘅地方，都唔會係藏語支嘅語言。爲咗政治上安撫藏族而違背學術事實，噉嘅事唔可以寫入百科全書。要實事求是。--S7w4j9 (傾偈) 2017年8月17號 (四) 10:13 (UTC)
而家Limbu開咗嘞，譯做廉布文。講起粵語嘅親屬語種，官、吳、閩、客係親兄弟，藏、羌、彝、緬係堂兄弟，壯、泰、侗、水係表兄弟，苗、瑤、畬係襟兄弟，越南文係相好，英、日、法係先進文明嘅學習對象。--S7w4j9 (傾偈) 2017年8月17號 (四) 11:01 (UTC)