Talk:奶油包

奶油包同忌廉檳‎

見到「忌廉檳‎」篇文拆出一篇叫「奶油包」，覺得值得討論下，究竟「Cream bun」粵語究竟應該叫「忌廉檳‎」定係「奶油包」呢？「Cream」粵語叫「忌廉‎」，「Bun」粵語叫「檳‎」（例子：椰檳），叫「忌廉檳‎」似乎幾合理。反而「奶油」喺粵語最常見意思係「煉奶加牛油」（例子：奶油多），叫「奶油包」會唔會容易被誤會係同「奶油多」差唔多嘅包呢？--Rainpong (傾偈) 2021年11月13號 (六) 11:27 (UTC)

香港嘅麵包舖多數都叫「奶油包」，「忌廉檳‎」通常係指嘉頓出嗰隻包。Pokman817 (傾偈) 2021年11月13號 (六) 11:54 (UTC)

粵維用「忌廉檳」呢個名形容「Cream bun」已經超過十年，無人提出過異議。而家一下子將「忌廉檳」改寫成嘉頓產品兼無留到「Cream bun」新名「奶油包」嘅連結，確係有討論空間。

網上亦搵過都有唔少人用「忌廉包」（"忌廉包"）、「椰絲忌廉包」（"椰絲忌廉包"）嘅名。另外，同生命麪包、家庭什餅相比，「嘉頓忌廉檳」相對可以寫嘅嘢唔算多，未必需要將正常Cream bun同嘉頓Cream bun分兩篇文寫。

我會建議雙方各讓一步：將「Cream bun」叫「忌廉包」；「奶油包」、「忌廉檳‎」都跳轉到「忌廉包」；「忌廉包」開一個章節講「嘉頓忌廉檳」。--Kowlooner (傾偈) 2021年11月14號 (日) 12:22 (UTC)