Talk:朢
@HenryLi： 我第一反應：朢？邊有人日常用呢個字㗎？平時唔係叫「滿月」、「望月」咩？但係第二反應：你又啱喎，更常用嘅叫法全部都有歧義。「滿月」可以係臊蝦一個月大，「望月」可以係就噉望住個月亮... 翹仔 (傾偈) 2020年10月1號 (四) 13:37 (UTC)
- 我想表示，我由細到大未聽過「朢」呢個字，不嬲係嗌做「滿月」或者「月圓」嘅。感覺又係夾硬想要同中維唔同。Dr. Greywolf (傾偈) 2020年10月1號 (四) 13:54 (UTC)
- 都係嘅，「望」字本身就係形聲加會意字，意符係「月」、「壬」（地面），聲符係「亡」。換咗做「臣」字部嘅「朢」字，冇咗個聲符。搬去「月圓」或者「望月」都好。翹仔 (傾偈) 2020年10月1號 (四) 14:48 (UTC)
- 係咁嘅。
- 朔朢（朔望），上弦下弦，月相四分法一直咁用，天文一直咁用。查實古時已經可以計朔朢時刻，計算日食月食必要條件。唐時已拗緊係咪用定朔，用咗定朔，同天文相符，有連續大月，連續小月嘅情況，就唔再大小月相間，咁同漢時傳統唔合。大元郭守敬授時曆，就徹底改用定朔，天文月相同曆法一致。
- 望月加咗個月，本來就多餘，而且有歧義。而且望月，會易理解為望住個月嘅習俗，好似賞月咁，又或者文學作品講望住個月，例如「犀牛望月」、「舉頭望明月」之類。
- 廣東地方，流行擺滿月酒，滿月即臊蝦滿一個月，所以好少叫滿月。
- 月圓唔係一定喺朢時刻，就算差一日半日，睇落都係圓。依度講天文計算，依個時刻，天文準確叫朢（望）。
- 望有太多意思。若果單純望字，又同望其他意思撞。望朢兩個字本來就同一字，而朢先有而望後。就算Google個朢字，都會出望嘅嘢。說文解字，兩者都有，許慎以朢字代表月相。依個跟據，可以去睇下內裏參攷。臣係直目，舉高頭對眼變咗角度。意思係用眼睇。望字已經無眼睇。當然兩個字係同一個字，只係出於別義。所以思量過，先至叫朢。大家真係想用望，寫「望 (月相)」 做標題好啲。
- HenryLi (傾偈) 2020年10月1號 (四) 18:12 (UTC)
- @HenryLi： 但係我越睇越懷疑究竟「望」「朢」係咪真係有辨義用途。佢哋似乎自古到今都係全等異體字。可以睇下en:wikt:望嘅字形解說。翹仔 (傾偈) 2020年10月2號 (五) 16:23 (UTCio
- @Deryck Chan：wiktionary啲內容，一向相當有缺陷。睇下en:wikt:朢，啲內文只係聊備一格，等人寫。啲字解釋，只不過由unihan直接抄過來[1]。上網睇得多，一眼就會睇得出。unihan只係unicode提交唐字過程嘅副產品，英文解釋非常粗疏，唔會睇到點解佢咁寫，更唔會有史上用例。寫嘅人大概係因為朢係望嘅異體字（kSemanticVariant），英文照抄就算。unihan望朢，完全無提月相。wiktionary連說文解字都無。說文解字翻做英文，應該都幾大工程，就算有，照抄都可能侵犯版權。朢字嘅Glyph origin，「Characters in the same phonetic series (亡) (Zhengzhang, 2003) 」。個朢字如何生出phonetic series (亡)？好明顯有問題。要講Glyph origin，一啲都唔提臣字係乜來？擺明只係望異體字，機械式搬字過紙。
- en:wikt:望嗰邊個glyph origin，睇
同
，隻眼直情係臣，根本無亡，根本係朢字。接住落來又講「Characters in the same phonetic series (亡) (Zhengzhang, 2003) Phono-semantic compound (形聲, OC *maŋ, *maŋs): phonetic 亡 (OC *maŋ) + semantic 月 + semantic 𡈼.」。圖形一個亡字都無，文字就話亡字形聲，根本上下唔對，又唔解釋當中變化。 - 結論就係，wiktionary只係倒啲data入去，根本就無理過上文下理係咪相配，更無深入睇過實際用例，只能當聊備一格，唔能作論說。
- 如前所述，兩者本來同一個字，只係由甲骨文到漢，都千幾二千年，文字未穏定，有幾十種寫法都唔係奇，至今只流傳兩隻。以出土文物，先有朢字，後有望字。只係說文解字將朢望兩者分義而已，以朢做月相。後來朢字用例，大多數同月相有關。咁當然，望字解釋眾多，又包括咗好多月相用例。都係嗰句，大家真係想用望字，寫「望 (月相)」做標題好啲。HenryLi (傾偈) 2020年10月2號 (五) 18:19 (UTC)
- 再補充一下源流。
- 一，至初，上臣下壬，上舉眼，下人踩地，代表舉眼望。
- 二，後來，上臣下壬之外，加個月，寫為朢，專門代表月相，即朔朢。
- 三，又後來，朢，又假借做忘嘅意思。
- 四，再後來，有少數以亡字做形聲出現，寫做望。
- 五，漢時說文解字，朢望用法有別，以朢為月相，望代表遠望。但有混用。
- 六，望字用途變得廣泛。
- HenryLi (傾偈) 2020年10月2號 (五) 18:52 (UTC)
- @HenryLi： 但係我越睇越懷疑究竟「望」「朢」係咪真係有辨義用途。佢哋似乎自古到今都係全等異體字。可以睇下en:wikt:望嘅字形解說。翹仔 (傾偈) 2020年10月2號 (五) 16:23 (UTCio
- 維基百科係畀普羅大眾睇，唔應該太「離地」。攞個「朢」字出街問人，可能問幾十個都無一個人答到呢個字點解。我都係比較傾向支持「望月」。--Kowlooner (傾偈) 2020年10月4號 (日) 12:51 (UTC)
- 如果話普羅大眾而要用望，用「望 (月相)」比較好，思意確切，亦合乎天文。普羅大眾一般講「望月」，就真係望住個月㗎。香港更加係月餅品牌名。畢竟文字習慣上，傳統故事「犀牛望月」、李白詩「舉頭望明月」、「望月有懷」，張九齡「望月懷遠」，白居易「望月有感」，藥材「望月砂」等，望住天上面嘅明月，引發種種感受。月遙遠，變化無常，無論隔住古今，或隔住遠方，望住個月，就有思念懷想之情。徐熥寫「望月有懷唐宗貞陳彦宗」，詩中「㣲月入庭除 疎松散清影」，講明只係微月，連明月都唔係。有本書叫「推窗望月」[2]，意思為推開隻窗，望住個月。其他有「望月興嘆」，「登高望月」都係望住個月嘅意思。就好似香港月餅廣告「無論距離多遠，只要心中有信念，都可以一起望月。」[3]望月意思都係望住個月。環顧普羅大眾用法，大家講望月，都係種行動。查實以依個題材，夠料喺度另外寫一篇文。HenryLi (傾偈) 2020年10月4號 (日) 15:27 (UTC)
文章連結留底時出錯 (2021年2月)[編輯]
你好。留底期間，檔案庫話有啲網站搞唔到。 以下係有問題嘅對外連結同埋錯誤訊息。
- 錯誤：；有問題： https://humanum.arts.cuhk.edu.hk/Lexis/lexi-mf/search.php?word=%E6%9C%9B
- 錯誤：；有問題： https://humanum.arts.cuhk.edu.hk/Lexis/lexi-mf/search.php?word=%E6%9C%A2
呢個係唯一一次通知，因為我唔會再嘗試幫呢啲對外連結留底。