Talk:美高梅 (澳門)
隨筆[編輯]
提示下先，私營黃賭毒三類公司都唔係學術機構，咪奢望佢哋有咩誠信，然而宣傳手段高超就係人都知。大家得閒嘅話，可以查下紀錄，睇下英維啲職業打手喺某啲其他版面嘅表演。照計嗰班友好少會揩到粵維，畢竟賭場嘅主要客人，好少會睇到呢個網站。之不過，萬一有怪事發生，大家毋須覺得意外。--110.174.132.162（討論） 2021年7月11號 (日) 21:11 (UTC)
後續[編輯]
本用户終於舐咗嘢，喺中文版維基百科被封鎖兩年，似乎係太陽城集團落嘅命令。遇到咁無稽嘅老屈，申訴嚟都冇用，不過都留低段嘢澄清（https://zh.wikipedia.org/w/index.php?title=User_talk:110.174.132.162&oldid=73175177），方便有日某啲猛料咁啱綫想同呢類破壞者算賬時蒐集證據；研究黃賭毒嘅人多數都好有毅力……若果個個管理員都跟規矩辦事，就梗係人人都應該開個户口啦，可惜事與願違係常態。唔開户口嘅好處係出事時唔會累街坊——有超過一個註冊户口用過同一個互聯網地址（例如某間大學或者某間政府圖書館嗰啲……）其實好平常，可惜佢哋隨時會被立心不良者認定係由同一個或者同一夥人操作，推斷統統都用咗傀儡，繼而齊齊永久封鎖；而呢啲註冊户口用過嘅其他互聯網地址又會被調查，分分鐘拉多一堆無辜者落水……--110.174.132.162（討論） 2022年8月10號 (三) 10:22 (UTC)