Talk:馬拉也林文

建議搬去「馬拉也林文」

開呢篇文嘅人可能以爲改普通話譯名幾隻字就變成廣東譯名……但係無考慮到佢自身係點發音。

介紹下。婆羅米系文字屬於元音附標文字，呢種類型嘅文字特點係，一個字母代表一個音節，呢個字母有固有嘅輔音、元音，如果想表示其他嘅元音，噉就要加元音符號，所以叫做「元音附標文字」，實際詞尾亦係附標嘅。呢種文嘅自稱有四個字母外加兩個元音附標符號（可以去英文睇），所以廣東譯名應該係四隻字。根據英文維基嘅音標，[mɐləjaːɭəm]，「馬拉」可以接受，可以對到[mɐlə]，「亞」唔得，[jaː]有半元音，即係粵音嘅jaa，能夠做譯音用字亦就係「也」，至於個「姆」……普通話因爲無-m尾，佢要譯成「拉姆」拆成兩個字。既然我哋有M尾，點解要噉譯呢？何況前面嘅[ɭə]部份譯漏咗，所以唔得。呢個部份可以譯爲「林」（馬拉也林文嘅邊音有捲脷同平脷之分，我哋無，按邊音譯）。

馬拉也林文喺2013年畀印度政府宣佈爲古典語言，所以應該用「文」字尾。--S7w4j9 (傾偈) 2015年4月18號 (六) 13:38 (UTC)

我喺粵語維基辭典嘅《語言名稱一覽》道用嘅係「馬拉亞藍文」，我會建議跟著用「馬拉亞藍文」。【粵語文學大使殘陽孤侠】支持全面中止IP用戶編輯權 2015年4月18號 (六) 22:21 (UTC)

點都係我哋兩個嘅原創譯名，所以點都可以商量、可以改嘅。我認爲後面兩隻字唔得。原因在於，「亞」無半元音喺頭，相比「也」無咁貼切（半元音[j]喺馬拉也林字母中就係單獨成一個字母，同無輔音嘅[ɑː]係兩個字母。人哋尚且要區分，點解我哋唔分呢？）；「藍」嘅問題在於韻腹，馬拉也林文嘅元音 a 有長短之分，轉寫上，長音a會寫成「ā」。粵語亦有長短a之分，粵拼表現爲 a 同 aa。只不過粵語嘅a必須接韻尾，aa可以唔接。馬拉也林文嘅轉寫係Malayāḻam（可以睇英文維基），四個a中，只有第三個係長a，頭兩個短a無韻尾，佢嘅字母都無附標韻尾，所以我哋只能夠用長a去譯（講開又講，如果有人想寫成「馬剌也林」，我唔反對）。第四個短a有韻尾m，但輔音係捲脷邊音，所以可以對譯嘅粵音係lam。--S7w4j9 (傾偈) 2015年4月19號 (日) 08:27 (UTC)

都好。我一路都無用到個「也」字，係因為我唔確定「也」字可唔可以做譯名用字，凡係譯個/ja/音我都係用「亞」字或者「雅」字。不過宜家閣下建議用「也」字，我都唔會反對，但係我都係會建議將「也」字歸到「唔建議喺開頭用」爾一類。至於個「剌」字我就覺得太舊嘞，唔建議用。

另外我強烈反對繼續用「粵語長短元音」爾種講法，同芬蘭文唔同嘅係，粵語嘅「a」同「aa」嘅根本區別唔係長短，而係音質。爾兩個音轉寫成國際音標分別係/ɐ/同/a/，而唔係/a/同/aː/。【粵語文學大使殘陽孤侠】支持全面中止IP用戶編輯權 2015年4月21號 (二) 18:24 (UTC)

係咪長短元音呢個我就唔詏啦，實質上馬拉也林嘅「a」同「ā」亦更多係音質區別。我嘅重點在於，粵語「a」及「aa」，同馬拉也林文嘅「a」及「ā」可以做到對譯，因爲兩者都有呢種音位對立，所以我唔贊成譯成「laam」嘅「藍」，亦係譯成「lam」嘅「林」。

我就認爲「也」可以做譯字，因爲喺粵語中，「也」更多係個文言詞，而且係個好虛嘅虛詞，可以成為中立性辭彙；「剌」我都覺得太舊，所以我都傾向用新啲嘅「拉」，只不過如果有人提，我唔反對噉解。--S7w4j9 (傾偈) 2015年4月22號 (三) 05:45 (UTC)