Windows XP

出自維基百科,自由嘅百科全書
跳去: 定向搵嘢

Windows XP微軟公司嘅一款視窗作業系統。Windows XP喺2001年8月24號正式發佈(RTM,Release to Manufacturing)。佢嘅零售版喺2001年10月25號上市。Windows XP原本嘅代號係Whistler。字母XP表示英文單詞嘅「體驗」(experience)。Windows XP嘅外部版本係2002,內部版本係5.1(即Windows NT 5.1),正式版嘅Build係5.1.2600。

微軟最初出咗兩個版本:專業版(Windows XP Professional)同家庭版(Windows XP Home Edition),後來出埋媒體中心版(Windows XP Media Center Edition)、平板電腦版(Windows XP Tablet PC Edition)、嵌入版(Windows XP Embedded)同埋瘦客戶端版(Windows Fundamentals for Legacy PCs)等。

停止支援[編輯]

微軟官方喺2007年底宣佈,2014年4月8號,Windows XP唔會再更新喇,即係話Windows XP已經成為歷史。

影響[編輯]

使用方面[編輯]

雖然話Windows XP喺2014年4月8號已經被微軟宣佈咗停止支援,但唔係等於話咗Windows XP喺2014年4月8號之後就冇得用喇。呢個凈係話微軟唔再畀Windows XP搞技術支援(包括保護你嘅電腦系統自動更新)。而Microsoft重將喺2014年4月8號之後停止對Windows XP提供 Microsoft Security Essentials嘅下載服務[1]。不過Windows XP喺接收完2014年4月份嘅安全補丁之後再都唔畀整微軟官方嘅安全補丁入去喇。啫係話冇咗新補丁嘅Windows XP會變到好似爛咗嘅水桶咁,搞到漏洞重越嚟越多到冇得用噉滯[1]

其實有好多用戶都唔知Windows Update係搞邊科嘅(更加唔使問阿貴係點用啦),重有好多嘅翻版帶都事先將Windows Update嘅自動更新都閂埋(更加唔使問阿夢係點樣整補丁上去啦)。好彩係中國大陸入面嘅幾大安全軟體都有系統補丁嘅功能,安裝咗之後就可以話畀使用者喺系統入面點用,如估唔係嘅話,使用者嘅Windows XP系統已經爛到冇得用喇。

重有啲黑客可以好輕鬆咁發現咗嘅漏洞,用嚟攻擊安裝咗Windows XP嘅電腦導致Windows XP面臨感染電腦病毒同埋木馬、重有洩漏個人信息等等[1]

升級方面[編輯]

既然Windows XP停止咗支援之後有咁麻煩,如估條件係允許嘅話,電腦肯定係要升級㗎喇。而新系統將會帶嚟嘅係更加人性化嘅操作體驗,重有唔錯嘅穩定性同埋軟體嘅兼容性,重有提升軟硬體嘅性能[1]

第1種情況:冇接入網絡嘅Windows XP電腦[編輯]

依家好少嘅電腦係冇接入網絡嘅,如估喺電腦冇接入網路嘅話,黑客係幾乎冇可能通過系統漏洞嚟入侵使用者嘅電腦,不過佢哋可以通過U盤CDDVD等呢啲移動設備嚟整木馬,通過呢種方法嚟洩漏個人信息[1]

第2種情況:用嚟聽歌同埋睇片嘅電腦[編輯]

依家有好多嘅電腦凈係用嚟聽歌同埋睇片、整下簡單嘅OFFICE操作,咁喺呢類嘅電腦入面,基本上肯定冇咩私隱噉滯,如估安裝咗一種比較犀利嘅殺毒軟體就可以咩都冇事喇,更加唔使講咩升唔升級。不過之後,如估瀏覽器發展到行嗮周街都係嘅話(尤其係HTML5),咁XP就可以講拜拜喇[1]

第3種情況:用網銀[編輯]

依家都好㷫網上購物喇,成日去到邊度都可以聽到「阿里巴巴」、「淘寶」、「Amazon」等等其它網上商店呢啲嘢。而網購嘅流行重出咗網上畀錢嘅風險,不少因為系統安全嘅問題,搞到有人話:「點解我嘅網銀冇咗啊?」,「點解我嘅網上畀錢會變咗嘅?」呢啲咁嘅嘢都出現過。因為有好多嘅用戶電腦入面,都有好多自己個人私隱嘅嘢喺度,如估呢啲嘢喺電腦上咗網之後,就肯定有好大嘅機率會被黑客用咗系統嘅漏洞嚟攞咗你都唔知[1]

第4種情況:鍾意成日玩遊戲嘅人[編輯]

依家有好多嘅電腦遊戲都係針對Windows 7或者係8嚟整咗特別嘅優化,甚至有啲遊戲喺Windows 7或者係Windows 8先至可以玩得,咁鍾意成日玩遊戲嘅人可以將系統升級到Windows 7都得,而Windows 8入面就有專門嘅遊戲嚟等住佢哋。從第一款唔支援XP系統嘅遊戲到依家嘅大作都唔同XP玩嘢喇,咁遊戲玩家可唔可以與時俱進[1]?重有家陣越嚟越多新版嘅軟體都唔支援XP系統(例如PHOTOSHOP【從CC版開始就唔支援XP喇】、微軟嘅OFFICE等等),如估想用佢嘅話,最後換個新嘅操作系統喇[1]

安全廠商方面[編輯]

既然微軟唔再支援,安全廠商就開始搞。喺中國大陸入面,有成億部電腦裝咗Windows XP,咁佢就肯定係一個大嘅市場喇,咁有好多安全嘅廠商就借住呢筍嘢嚟推動自己嘅產品嚟提高市場嘅佔有率,想嚟頂住微軟嚟撐起Windows XP後續嘅安全支援[1]

雖然話呢啲安全廠商唔係微軟嘅屬下公司,加上所掌握嘅系統核心技術都係有限嘅,而負責幫手嘅廠商整出嚟嘅補丁方面,凈係攞熱補丁嘅形式嚟搞,唔知效果係點。不過如估繼續用Windows XP嘅話,必須要有比較犀利嘅殺毒軟體[1]

唔願升級嘅[編輯]

既然Windows XP已經停止支援,重有新嘅操作系統都有優秀嘅表現,咁點解噉多嘅Windows XP用戶唔揀升級呢?可能係以下呢幾個原因:

習慣性[編輯]

Windows XP是好多用戶啱啱開始接觸電腦嗰陣用嘅操作系統,喺開始慢慢咁識咗點用之後就嚟咗新嘅操作系統,搞到好多用戶都話唔慣。既然舊版都好地地嘅,加上我又唔識用或者係唔習慣用新嘅操作系統,如估換咗新嘅操作系統都要重新學過[1]

兼容性[編輯]

重有啲辦公系統同埋專用軟體都係針對Windows XP嚟開發嘅,如估喺新嘅系統同埋新嘅IE瀏覽器入面,都會出現唔兼容嘅現象,搞到辦公人員如估筆記簿電腦入面裝嘅係Windows 7或者係Windows 8,就唔可以用企業辦公系統喇,搞到噉先至換返Windows XP[1]。重有家陣用得好㷫嘅應用軟體同埋遊戲,大多數都已經支援Windows 7或者係Windows 8,甚至喺Windows 7或Windows 8入面先至可以充分發揮軟體同埋硬體嘅性能,而有啲就凈係可以喺新系統入面用嘅。而家有尐軟體同埋遊戲都唔同Windows XP玩兼容性喇[1]

電腦鋪[編輯]

依家街邊有好多電腦鋪頭嘅技術人員為咗方便同埋慳時間,一般都係幫人直接GHOST返去Windows XP就搞掂[1]

正版[編輯]

如果係升到正版Windows 7或8.1的話,可能要使好多錢,而習慣咗對電腦凈係使硬體嘅錢,又唔願意搞軟體嘅錢啲人嚟講係話唔好使嘅[1]

配置[編輯]

重有唔排除用緊Windows XP嘅電腦,由於配置太低搞到冇辦法安裝Windows 7或者係8.1。如果想換系統嘅話,凈係得一個辦法——換電腦主機,再加上新系統嘅費用係要使好多錢嘅。不過有唔少嘅舊電腦都係可以用Windows 8嘅[1]

[編輯]

連出去[編輯]


微軟視窗
基於MS-DOS嘅版本: 1.0 | 2.0 | 2.1x | 3.0 | 3.1x | 95 | 98 | ME
基於NT嘅版本: NT 3.1 | NT 3.5 | NT 3.51 | NT 4.0 | 2000 | XP(IA-64 AMD64) | Server 2003 | FLP | Vista | Server 2008 | 7 | Server 2008 R2 | 8 | Server 2012 | 8.1 | Server 2012 R2
基於CE嘅版本: CE 3.0 | CE 4.0 | CE 5.0 | CE 6.0 | Mobile
未來嘅版本:
其他嘅版本:Neptune | Nashville | Cairo | OS/2