孝平皇后(前4年—23年)係漢平帝劉衎嘅皇后,王莽大女,阿媽王氏。
元始三年(3年)喺王莽嘅安排下畀平帝冊立為皇后。做咗皇后約莫一年之後,平帝就畀王莽毒殺,由孺子嬰繼位,王莽攝政,尊佢做皇太后。初始元年(8年),王莽篡位,佢改稱定安公太后。孝平皇后忠於漢室,對阿爸篡漢好唔滿意。王莽感到好難過,打算搵個人將佢改嫁,但就激到佢好嬲,唯有就咁算數。
23年,漢兵誅殺王莽以後,焚燒未央宮,孝平皇后自投火中而死,得年28歲。