平民

平民 (英文：Civilian)，又可以叫做老百姓，係唔屬於任何軍隊、準軍事組織、或者警察，同時亦都唔係做緊任何暴力行為嘅人。

喺打仗嘅情況入面，平民同「非戰鬥人員」唔係好一樣，因為任何中立嘅軍人雖然唔係戰鬥人員，但係仍然唔屬於平民。喺《日內瓦公約》裏面，平民係有特定嘅權利，例如唔可以成為打仗嘅目標等等。

喺某啲國家，緊急服務嘅人員會叫一般嘅普羅大眾做「平民」。