怪談 (電視節目)
怪談 | |
---|---|
類型 | 探索式嘅靈異電視節目 |
主持 | 第一代:雷宇揚 第二代:施明、雲海 第三代:施明、關寶慧、張學潤 第四代:梁思浩、歐綺霞 第五代:梁思浩、梁嘉琪 第六代:梁思浩、余思敏、陳曉華 第七代:余思敏、陳曉華 第八代:梁思浩、可宜、譚凱琪、謝芷蕙、張學潤、岑寶兒 |
地區 | 香港 |
制作 | |
製作單位 | 香港有線電視 |
每集長度 | 一個鐘 |
播映 | |
播放頻道 | 有線電視娛樂台(現場直播) 有線電視第1台(第日重播) |
播放時期 | 1996年至2010年 |
出面網頁 | |
有線電視《怪談》網站 |
怪談係香港有線電視娛樂台嘅長命靈異節目。喺1996年首播,做過佢主持嘅有雷宇揚、施明、雲海、關寶慧、張學潤、歐綺霞(Monique)[1]、梁嘉琪,直至節目取消前嘅主持係梁思浩、余思敏同埋陳曉華(喺2007年下半年加入)。
節目原本係逢禮拜日深夜十二點半播放(有線A台第日同時段重播),後來改咗逢禮拜六夜晚十一點正播出(有線電視第1台第日同時段重播),放映時間約莫一個鐘頭。
2009年,《亞庇不思議手記‧奪魄墓場》(2008年12月20號播出)有機會爭2008年度電視欣賞指數調查最佳節目頒獎禮嘅評審團大獎[2],係第一個攞到呢項提名嘅同類節目,但最後都拎唔到。
內容[編輯]
第一代[編輯]
第二代[編輯]
第三代[編輯]
怪談新耳袋[編輯]
《怪談新耳袋》係一套日本 TBS 電視台製作嘅靈異單元劇(英文版 DVD 嘅標題係《Tales of Terror from Tokyo and All Over Japan》),喺節目裏面播放。
怪談熱線[編輯]
觀眾可以用電話同主持、嘉賓傾吓偈,講吓撞鬼經歷、問吓嘢同埋討論吓或者回應吓嗰日嘅話題。
第四代至第六代[編輯]
節目喺2006年嚟咗一次大革新,由第四代主持接棒;而第四代至第六代嘅內容基本上係一脈相承,通通都以《不思議手記》嚟做骨幹,只係換咗女主持。
不思議手記[編輯]
由一隊有線電視攝影隊冒險到地球上唔同嘅旮旯探究靈異事件,曾經去過泰國、台灣、東南亞、日本等地方,就係《不思議手記》。2007年,節目更公開招募對不可思議嘅嘢勁有興趣嘅觀眾去做「怪談攝製隊」嘅成員,跟埋大隊出去海外拍嘢,反應都好熱烈,最後兩位參賽者當選[3]。
呢個系列喺2006年1月7號播到2009年4月4號,跟住播嘅係《奇人詭異檔案》。
而家怪談外訪嘅成員有:
怪談監製(兼攝影師) | 陳達年(阿達) |
資深怪談導演 | 蔡周雅(Jackie 女) |
資料搜集員 | 陳介敏(Man) |
駐泰國拍攝記者 | 郭維德(Ben) |
攝影師 | 王偉傑(姑爺) |
靈異節目主持 | 陳曉華(Rachel) |
怪談多年護法 | 司徒法正 |
注:喺「大馬不思議手記」,Man 同 Jackie 女無去,由新成員超君、Kurt 頂上。
不思議自由行[編輯]
哩個活動喺2007年1月第一次搞,公開招募對古靈精怪嘢感興趣嘅觀眾做「怪談攝製隊」隊員,參加嘅人要過關斬將至可以入圍,最後贏咗就可以跟大隊去外面拍嘢。
喺2008年,個活動都搞過宣傳,但係後來唔知做乜無咗件事,亦冇正式公開宣佈過腰斬嘅決定同埋原因,所以完全唔知佢搞咩鬼;又因為《不思議手記》系列已經播完,呢個活動都會跟住收檔。
年份 | 最後入圍者 | 甄選資格 | 參與拍攝 |
2007 | 鄧慧嫦(鬼強) 鄭嘉瑩(Peggy) |
泰柬邊境不思議手記[3][4] | |
2008 | 取消 |
重播[編輯]
2008年12月10號起,有線電視第1台重播《不思議手記》系列[5]:
邊日 | 幾時 | 播乜 |
---|---|---|
2008年12月10號—2009年01月21號 | 逢禮拜三晚十點半 | 《台灣不思議手記(一)》 |
2009年02月04號—2009年03月04號 | 逢禮拜三晚十點半 | 《台灣不思議手記(二)》 |
2009年03月11號—2009年03月25號 | 逢禮拜三晚十點半 | 《砂撈越不思議手記》 |
靈異照片、錄像同錄音[編輯]
主持人同師傅研究觀眾提供嘅靈異照片、錄像同錄音。
怪談熱線[編輯]
觀眾可以用電話同主持、嘉賓傾吓偈,講吓撞鬼經歷、問吓嘢同埋討論吓或者回應吓嗰日嘅話題。
笑談[編輯]
因為多數人喺過年時比較避忌鬼怪邪靈之說,《怪談》就改名做《笑談》,內容都改咗做生肖運情、招財、開運、趨吉避凶、迎桃花之類。
警界靈訊[編輯]
哩個環節係由余思敏同埋簡信回師傅揸旗,自2008年4月5號起到6月28號一共十三集,每集播一個字咁上下,喺節目嘅第四節度播,用檔案形式講吓警隊內部嘅靈異傳聞同埋剖析吓啲傳聞堅定流,其中有啲案件,好似嘉利大廈大火、Hello Kitty 藏屍案、徐步高槍擊案、跑馬地馬場大火咁,都好轟動。
屍前‧死後[編輯]
《屍前‧死後》係盂蘭節嘅特備節目,由2008年7月26號起至9月27號為止一連十集,主持梁思浩用第一身嚟演繹一個人死咗之後嗰「七七四十九日」裏面嘅真實經歷,百無禁忌「為自己搞一個最正嘅喪禮」,可以話係「死屍真人騷」。就官網所講,師傅會講吓殯葬儀式嘅習俗同埋忌諱、化妝師點樣幫先人遺容上粧、破地獄儀式可唔可以破開地獄度門、土葬墳穴究竟要掘幾深……之類嘅話題。
奇人詭異檔案[編輯]
呢個係接替《不思議手記》嘅新環節,由2009年4月11號起播出,每集長十幾分鐘,內容係以搜羅世界各地嘅奇人同埋異士嘅超人力量、特異功能、非常行為做主題,畀觀眾唔單只可以大開眼界,重可以增廣見聞。
每集主題一覽[編輯]
2006年[編輯]
2006年
2007年[編輯]
2007年
2008年[編輯]
2008年
2009年[編輯]
2009年
怪談 FAN CLUB[編輯]
怪談係呢度少有成立咗影迷會(非牟利)嘅電視節目,搞呢個會嘅目的係想凝聚一班鍾意研究不可思議嘅嘢嘅朋友,喺活動裏面交流吓[23]。
網上侵權問題[編輯]
自從《不思議手記》系列推出以嚟,怪談嘅知名度高咗唔少,有網民將每集錄製成視頻檔案上載到互聯網畀人睇(例如 YouTube、土豆網之類),又或者用點對點技術(P2P,好似 BitTorrent、Foxy 咁)任人下載,造成網上侵權問題。
喺2008年底到2009年初,有線電視「徇眾要求」,開始響自己嘅《怪談》網頁免費提供最近幾集嘅網上重溫同埋嚟緊嗰集嘅預告片,又向 YouTube 作出正式投訴,又喺第1台重播咗三個系列嘅《不思議手記》,嚟對付呢種非法嘅上、下載行為。
參考資料同註釋[編輯]
- ↑ leungszeho.net:梁思浩 歐綺霞主持《怪談》,文匯報,2006年1月6號 互聯網檔案館嘅歸檔,歸檔日期2009年8月28號,.
- ↑ 〈第二十屆 TV•AI 最佳節目頒獎禮〉. 原著喺2016年3月4號歸檔. 喺2009年3月5號搵到.
- ↑ 3.0 3.1 3.2 〈奇趣怪異事件簿:怪談攝製隊成員 - 測試〉. 原著喺2008年7月8號歸檔. 喺2008年7月8號搵到.
- ↑ 〈奇趣怪異事件簿:泰柬邊境不思議手記〉. 原著喺2008年7月8號歸檔. 喺2008年7月8號搵到.
- ↑ 〈有線電視電子節目時間表—第1台〉. 原著喺2009年2月13號歸檔. 喺2009年2月14號搵到.
- ↑ 6.0 6.1 有線電視突然抽起咗個節目,改播其他嘢。
- ↑ 1985年5月14號,無綫電視藝員翁美玲因情困,喺佢廣播道屋企開煤氣自殺死咗,後來間中就有佢鬼魂出現嘅傳聞。
- ↑ 1989年9月1號,無綫電視藝員鍾保羅賭債纏身,喺沙田第一城佢自己嘅屋企跳樓自殺死咗,隔無耐就傳有人見到佢嘅鬼魂。
- ↑ 亞洲電視藝員羅石青患咗癌症,因病厭世,喺新世界中心停車場跳樓自殺死咗。[1] 互聯網檔案館嘅歸檔,歸檔日期2008年9月5號,.
- ↑ 2002年7月31號,藝人陳寶蓮喺上海自己屋企跳樓自殺死咗,傳聞話佢食藥同埋養鬼仔搞到神神化化,最後悲劇收場,又傳佢生前住嘅嗰幢大廈曾經鬧過鬼。
- ↑ 2000年7月,作家簡而清去四川成都打人胎素,到2000年9月11號喺重慶死於末期肝癌。
- ↑ 1976年,無綫電視總經理余經緯突然急病入院不治,公告嘅死因係阿米巴變形蟲感染,但係啲人盛傳佢去過南洋出差,畀嗰度啲女人落咗情降而死。[2] 互聯網檔案館嘅歸檔,歸檔日期2007年8月27號,.
- ↑ 1973年7月20號夜晚十點幾,武打巨星李小龍喺女星丁佩九龍塘筆架山嘅屋企離奇死亡,列為「死因不明」,但係佢嘅真正死因始終有好多唔同嘅講法。
- ↑ 〈奇趣怪異事件簿:怪談錄映廠靈異照〉. 原著喺2008年7月8號歸檔. 喺2008年7月8號搵到.
- ↑ 引用錯誤 無效嘅
<ref>
標籤;無文字提供畀叫做<ref name=
嘅參照 - ↑ 〈奇趣怪異事件簿:怪談不思議手記 - 六人夜話〉. 原著喺2008年7月8號歸檔. 喺2008年7月8號搵到.
- ↑ 「六人」係江美儀、李思蓓、梁敏儀、梁思浩、余思敏,同埋……佢!
- ↑ 有網友話出事嘅大廈係九龍站第七期嘅環球貿易廣場
- ↑ 傳聞間村屋荒廢前有消防從業員住過
- ↑ 「火蠋鬼」係香港俗語,指消防員,又借嚟比喻「性急嘅人」,而「火蠋」即係「火警」
- ↑ 「陰陽師」係日本話,係日本宮廷負責卜筮、祭祀、觀測天象嘅官,講白啲就係「御用天文官同占卜師」,佢奉行嘅「陰陽道」就係起源自中國古代的陰陽五行學說。佢哋精通天文、曆法、相術、占卜,但係啲人傳佢哋識畫符、咒語、幻術,又可以差遣各種超自然力量,將佢哋同巫師、法師撈埋一齊。
- ↑ 喺泰國拍緊嗰陣有工作人員受傷入咗醫院,又發生懷疑非禮案。
- ↑ 〈怪談FAN CLUB網頁〉. 原著喺2008年7月8號歸檔. 喺2008年7月8號搵到.