霍廣賢
霍廣賢(Fock Kwong Yin, Henry),香港高等教育界人士,而家係香港浸會大學學生事務處輔導長[1]。佢因為恐嚇同打壓大學生就社會同政制問題表達意見,而得到一啲媒體嘅關注。
學歷[編輯]
公職同經歷[編輯]
- 香港O2O電子商務總會創會顧問團成員[2]
- 香港浸會大學工商管理學院市場學系系主任[3]
早年經歷[編輯]
喺一份香港浸會大學嘅校友通訊入面,佢曾經接受訪問,提到佢讀小學嗰陣經常要見訓導主任。當年喺兩間大學嘅入學試失手,之後先入咗浸會書院,之後喺浸會書院遇到自己後來嘅老婆[1]。
佢之後曾經投身產品及市場營銷行業,之前去到1994年加入香港城市理工學院(香港城市大學前身)做全職講師,1999年開始同時修讀香港中文大學市場學哲學博士課程,2004年畢業,去到2009年重返浸大,之後仲香港浸會大學工商管理學院市場學系系主任[1]。
喺學術界,佢亦曾經做過Service Industries Journal 、Psychology & Marketing等期刊嘅編輯委員會成員[3]。
爭議[編輯]
涉嫌先恐嚇學生,再運用權力對學生處分[編輯]
浸大學生會自2020年「斷莊」後,新莊於2023年4月上任。惟浸大校方之後聲稱接獲對學生會嘅投訴,話佢地對「過去事件」嘅描述誇大、偏頗,喺無比機會學生解釋、又無透露投訴人身份或詳細內容嘅情況下對學生進行紀律處分,其中包括四名幹事參與包括學生會等學生組織,變相將學生會幹事會取消資格。受害學生批評校方處理手法欠程序公義、唔尊重學生自治,又反駁學校嘅指控,佢哋嘅政綱入面嘅資料,都係搵自網上報導嘅客觀事實,「絕非誇大或缺乏事實根據」[4]。
部分前幹事組成「聯合上訴平台」,之後發佈一條同校方會面時嘅錄音,指有浸大高層當時向同學稱:「喺呢度再講多少少個人感受,你哋可以有好多抗爭,但你記住一樣嘢,你打我一拳,我一定踢返你一腳。咁搞落去呢,學生會就好慘。」同學質疑,浸大該名高層對學生作出言語恐嚇,唔符合社會嘅標準同價值觀,亦違反咗大學辦學宗旨。平台強調,學生會嘅目標一直唔係同校方對抗或者「打學校高層一拳」,仲指成員係請辭之前一直忠實履行職責,努力同校方保持合作關係。唔同媒體都披露,恐嚇學生嘅浸大高層,正係霍廣賢[5][6][7]。
事件被揭發後,浸大去到同年10月擴大處分,一人被罰 80 小時校內服務、一人被罰停學一學期、兩人被罰停學一年[8],又要求學生寫「反思日記」、「道歉信」,以羞辱學生。被罰學生之一戴嘉平指,停學處分係「純粹為報復提出問題的學生」,對校方徹底失望。曾在浸會大學新聞系任教多年嘅杜耀明亦形容浸大做法係反教育,完全係訓導學生做相反嘅嘢,以牙還牙亦絕唔係嘅教育原則[9]。
阻撓紀念傘運9周年[編輯]
2023年9月28號係雨傘運動九周年,有三名浸會大學學生喺校園入面默站,身上貼咗啲黃絲帶同埋寫住中文、英文、韓文嘅標語紙。有啲經過嘅學生主動去了解,同埋領取咗啲黃絲帶。但和平嘅活動只係進行咗10分鐘,包括霍廣賢在內嘅校方高層就迅速介入,話學生嘅行動冇經批准,話佢哋「非法派黃絲帶」,然後阻止佢哋嘅行動。校方高層亦批評學生「搞大龍鳳」,又阻止記者拍攝。之後,三名學生就被帶走去校內房間。有啲網民批評同質疑校方嘅做法,話 「學生企喺度,無主動派嘢,犯什麼法?」、「連默站都要干預,本市如何復常?」[10]
參考[編輯]
- ↑ 1.0 1.1 1.2 1.3 1.4 〈浸大人的薪火傳承〉. 《《浸大訊》- 香港浸會大學校友事務處》 (香港中文). 喺2023-10-29搵到.
- ↑ 〈創會成員+贊助人 – 香港O2O電子商務總會〉 (香港中文). 喺2023-10-29搵到.
- ↑ 3.0 3.1 "Dr. Fock Kwong Yin Henry". paward.hkbu.edu.hk. 喺2023-10-29搵到.
- ↑ 〈浸大學生會四幹事「被剝奪參與校政權利」16個月 新莊變相「被解散」 | 獨媒報導〉. 《獨立媒體》. 2023-04-18. 喺2023-10-29搵到.
- ↑ 〈浸大教員向學生會稱「你打我一拳,我一定踢返你一腳」 | 獨媒報導〉. 《獨立媒體》. 2023-05-20. 喺2023-10-29搵到.
- ↑ 〈浸大學生會公開校方錄音 「打我一拳必踢你一腳」 - 20230521 - 港聞〉. 《明報新聞網 - 每日明報 daily news》 (繁體中文). 喺2023-10-29搵到.
- ↑ Janep_au (2023-05-20). 〈有聲⎟浸大高層涉恐嚇前學生會幹事:你打我一拳,我一定踢返你一腳〉. 《棱角媒體》 (香港中文). 喺2023-10-29搵到.
- ↑ 〈處分學生|公開高層「威嚇」錄音 四浸大生被罰80小時校內服務至停學一年 - 集誌社〉 (美國英文). 2023-10-24. 喺2023-10-29搵到.
- ↑ 〈因公開教職員對話錄音被停學一年 被罰學生首開腔:對校方徹底失望〉. Radio Free Asia (香港中文). 喺2023-10-29搵到.
- ↑ 《追新聞》記者 (2023-09-28). 〈傘運9周年|浸大三學生校園默站被帶走 網民轟企喺度犯咩法?〉. 《追新聞》 (臺灣中文). 喺2023-10-29搵到.